ଆତଙ୍କବାଦ ବିରୋଧରେ କେମିତି ହୋଇଥିଲା ଅପରେସନ ସିନ୍ଦୂର ? କଣ କଡ଼ା ଆଭିମୁଖ୍ୟ ଆପଣାଇଥିଲା ଭାରତ ? ଏଣିକି NCERT ବହିରେ ପଢିବେ ପିଲା । ତୃତୀୟରୁ ଦ୍ବାଦଶ ଶ୍ରେଣୀ ପର୍ଯ୍ୟନ୍ତ ପିଲାଙ୍କ ପାଠ୍ୟପୁସ୍ତକରେ ଅପରେସନ ସିନ୍ଦୂରକୁ ସ୍ଥାନ ଦିଆଯାଇଛି । ଏନେଇ ସ୍ପେଶାଲ୍ ମଡ୍ୟୁଲ୍ ଆଣିଛି NCERT।

ନୂଆ ମଡ୍ୟୁଲରେ ସେନାର ବୀରତ୍ବ ଏବଂ ଅପରେସନ ସିନ୍ଦୂରର ସଫଳତାର କଥା ଜାଣିବାକୁ ପାଇବେ ଛାତ୍ରଛାତ୍ରୀ । ଅପରେସନ ସିନ୍ଦୂର କେବଳ ଏକ ଅପରେସନ ନଥିଲା ବରଂ ତାହା ଥିଲା ଏକ କୋଟି ଭାରତୀୟଙ୍କ ସମ୍ମାନ ଏବଂ ସୁରକ୍ଷାର ଦୃଢ ସଂକଳ୍ପ । ଯାହାକୁ ପୂରଣ କରିଛନ୍ତି ଭାରତୀୟ ସେନା । ତେଣୁ ସେ କଥା ଦେଶର ଛାତ୍ରଛାତ୍ରୀ ଜାଣିବା ଦରକାର ।

ଏହି କ୍ଲାସରୁମ୍ ମଡ୍ୟୁଲରେ ଭାରତର କୂଟନୈତିକ ବିଜୟ, ସେନାର ସାହସ, ଆତଙ୍କବାଦ ବିରୋଧୀ କଡ଼ା ଆଭିମୁଖ୍ୟ, ସାମରିକ ଶକ୍ତି, ବିଭିନ୍ନ ମନ୍ତ୍ରଣାଳୟ ଭିତରେ ସମନ୍ବୟ ରକ୍ଷା ସ୍ଥାନ ପାଇଛି । ପହଲଗାଲ ଆକ୍ରମଣ ପରେ ଆତଙ୍କବାଦ ବିରୋଧରେ କଡ଼ା ଆଭିମୁଖ୍ୟ ଆପଣାଇଥିଲା ଭାରତ । ଭାରତୀୟ ସେନା କିଭଳି ପାକିସ୍ତାନରେ ଥିବା ଆତଙ୍କୀ ଆଡ୍ଡାକୁ ଧ୍ବଂସ କରିଥିଲା ଏବଂ ଅପରେସନରେ ଆଧୁନିକ ଓ ସ୍ବଦେଶୀ ଅସ୍ତ୍ରଶସ୍ତ୍ରର ବ୍ୟବହାର କରିିଥିଲା ତାହା ପାଠ୍ୟପୁସ୍ତକରେ ସ୍ଥାନ ପାଇବ।

ଖାଲି କଣ ସେତିତି 'ଅପରେସନ ସିନ୍ଦୂର' ନାମ କାହିଁକି ଦିଆଗଲା ? ତାର ବାବଦରେ ମଧ୍ୟ ଉକ୍ତ ପାଠ୍ୟକ୍ରମରେ ଦର୍ଶାଯାଇଛି । ୨୦୧୬ ଉରି ଓ ୨୦୧୯ ପୁଲୱାମା ଆକ୍ରମଣ ବିଷୟରେ ବି ପିଲାଙ୍କୁ ଅବଗତ କରାଯିବ ।

Powered by Froala Editor