ରାଜସ୍ଥାନର ଜୟପୁରରେ ଅନୁଷ୍ଠିତ ହେଉଥିବା ମିସ ୟୁନିଭର୍ସ ଇଣ୍ଡିଆ ୨୦୨୫ର ବିଜେତା ଚୟନ କରାଯାଇଛି। ମିସ୍ ୟୁନିଭର୍ସ ଇଣ୍ଡିଆ ଟାଇଟଲ ଜିତିଛନ୍ତି ମନିକା ବିଶ୍ୱକର୍ମା। ମନିକା ମୂଳତଃ ରାଜସ୍ଥାନର ଗଙ୍ଗାନଗରର ଏବଂ ଦିଲ୍ଲୀରେ ମଡେଲିଂ କରନ୍ତି। ମନିକା  ଥାଇଲ୍ୟାଣ୍ଡରେ ଅନୁଷ୍ଠିତ ହେବାକୁ ଥିବା ୭୪ତମ ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିବେ । ମନିକା ତାଙ୍କ ବିଜୟ ଉପରେ ଖୁସି ପ୍ରକାଶ କରିଛନ୍ତି ଏବଂ ତାଙ୍କ ପରାମର୍ଶଦାତାମାନଙ୍କୁ ଧନ୍ୟବାଦ ଜଣାଇଛନ୍ତି।

ମିସ୍ ୟୁନିଭର୍ସ ଇଣ୍ଡିଆ ୨୦୨୫ ଟାଇଟଲ ଜିତିବା ପୂର୍ବରୁ ମନିକା ବିଶ୍ୱକର୍ମା ମିସ୍ ୟୁନିଭର୍ସ ରାଜସ୍ଥାନ ୨୦୨୪ର ମୁକୁଟ ପିନ୍ଧିଥିଲେ । ଏହା ପରେ, ସେ ଦିଲ୍ଲୀରେ ମଡେଲିଂରେ ଏଣ୍ଟ୍ରୀ କରିଥିଲେ । ଏବେ ମନିକା ବିଶ୍ୱକର୍ମାଙ୍କ ଦାୟିତ୍ୱ ବଢ଼ିଛି। ସେ ଚଳିତ ବର୍ଷ ଶେଷସୁଦ୍ଧା ଥାଇଲାଣ୍ଡରେ ଅନୁଷ୍ଠିତ ହେବାକୁ ଥିବା ୭୪ତମ ମିସ୍ ୟୁନିଭର୍ସ ପ୍ରତିଯୋଗିତାରେ ଭାରତକୁ ପ୍ରତିନିଧିତ୍ୱ କରିବେ । 

ତାଙ୍କ ବିଜୟ ପରେ ମନିକା କହିଛନ୍ତି, ‘ମୋର ଯାତ୍ରା ମୋ ସହର ଗଙ୍ଗାନଗରରୁ ଆରମ୍ଭ ହୋଇଥିଲା। ମୁଁ ଦିଲ୍ଲୀ ଆସି ପ୍ରତିଯୋଗିତା ପାଇଁ ପ୍ରସ୍ତୁତ ହୋଇଥିଲି। ଆମକୁ ନିଜ ଭିତରେ ଆତ୍ମବିଶ୍ୱାସ ଏବଂ ସାହସ ସୃଷ୍ଟି କରିବାକୁ ପଡିବ। ଏଥିରେ ସମସ୍ତଙ୍କର ବଡ଼ ଭୂମିକା ଥିଲା। ଯେଉଁମାନେ ମୋତେ ସାହାଯ୍ୟ କରିଥିଲେ ଏବଂ ଆଜି ମୁଁ ଯାହା ଅଛି ତାହା ପାଇଁ ମୋତେ ସକ୍ଷମ କରିଥିଲେ, ମୁଁ ସେମାନଙ୍କୁ ଧନ୍ୟବାଦ ଜଣାଉଛି। ପ୍ରତିଯୋଗିତା କେବଳ ଏକ କ୍ଷେତ୍ର ନୁହେଁ, ଏହା ନିଜସ୍ବ ଏକ ଜଗତ ଯାହା ଜଣେ ବ୍ୟକ୍ତିଙ୍କ ଚରିତ୍ର ନିର୍ମାଣ କରେ।’

ମନିକାଙ୍କ ବିଜୟ ଉପରେ, ଜୁରି ସଦସ୍ୟ ଉର୍ବଶୀ ରାଉତେଲା କହିଛନ୍ତି, ‘ପ୍ରତିଯୋଗିତା ବହୁତ କଠିନ ଥିଲା, କିନ୍ତୁ ବିଜେତାମାନେ ଆମ ସହିତ ଅଛନ୍ତି।’

Powered by Froala Editor