ଆଗାମୀ ମାସରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (PMO)ର ଠିକଣା ପରିବର୍ତ୍ତନ ହେବାକୁ ଯାଉଛି। ବର୍ତ୍ତମାନ, ପିଏମଓ ସାଉଥ୍ ବ୍ଲକରେ ଅବସ୍ଥିତ, ଯାହା ଏକଜିକ୍ୟୁଟିଭ୍ ଏନକ୍ଲେଭ୍ କୁ ସ୍ଥାନାନ୍ତରିତ ହେବ।  ଏହି ନୂଆ କାର୍ଯ୍ୟାଳୟ ଦକ୍ଷିଣ ବ୍ଲକଠାରୁ କିଛି ଶହ ମିଟର ଦୂରରେ ଅବସ୍ଥିତ ଏବଂ ଏହା ପ୍ରଧାନମନ୍ତ୍ରୀଙ୍କ ବାସଭବନରେ ମଧ୍ୟ ନିକଟତର। ଏହି ନୂତନ ଏନକ୍ଲେଭରେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ବ୍ୟତୀତ କ୍ୟାବିନେଟ ସଚିବାଳୟ, ଜାତୀୟ ସୁରକ୍ଷା ପରିଷଦ ସଚିବାଳୟ ଏବଂ ଉନ୍ନତ କନ୍ଫରେନ୍ସିଂ ରୁମ ସୁବିଧା ମଧ୍ୟ ରହିବ। 

ଉଲ୍ଲେଖନୀୟ ଯେ ନୂତନ ପିଏମଓ ପ୍ରଧାନମନ୍ତ୍ରୀଙ୍କ ବାସଭବନର ନିକଟତର ଓ ସାଉଥ୍ ବ୍ଲକରେ ଥିବା ପିଏମଓରେ ଆଧୁନିକ ସୁବିଧାର ଅଭାବ ଅଛି। ସ୍ଥାନର ମଧ୍ୟ ଅଭାବ ଅଛି। ବ୍ରିଟିଶ ଔପନିବେଶିକ ଯୁଗରେ ର୍ନିମିତ ଏହି ପୁରୁଣା ଅଟ୍ଟାଳିକାଗୁଡ଼ିକରେ ଆଲୋକ, ବାୟୁ ଚଳାଚଳ ଓ ସ୍ଥାନର ଅଭାବ ଥିବାରୁ ନୂଆ ଭବନ ର୍ନିମାଣ ଆବଶ୍ୟକ ହୋଇପଡ଼ିଥିଲା।

ସୂଚନା ଅନୁଯାୟୀ, ପ୍ରଧାନମନ୍ତ୍ରୀ ମୋଦୀ ଗୃହ ମନ୍ତ୍ରଣାଳୟ ଏବଂ କାର୍ମିକ ମନ୍ତ୍ରଣାଳୟର ନୂତନ କାର୍ଯ୍ୟାଳୟ 'କର୍ତ୍ତବ୍ୟ ଭବନ-୩' ଉଦଘାଟନ କରିବା ସମୟରେ କହିଥିଲେ ଯେ ପ୍ରଶାସନିକ ଯନ୍ତ୍ରପାତି ଏବେ ବି ବ୍ରିଟିଶ ସମୟର କୋଠାରୁ କାମ କରୁଛି, ଯେଉଁଠାରେ ଆଲୋକ ଏବଂ ବାୟୁଚଳନର ଅଭାବ ରହିଛି। ଉଭୟ ବ୍ଲକକୁ 'ଯୁଗେ ଯୁଗେ ଭାରତ ସଂଗ୍ରହାଳୟ' ନାମକ ଏକ ସାର୍ବଜନୀନ ସଂଗ୍ରହାଳୟରେ ପରିଣତ କରାଯିବ।

Powered by Froala Editor