ଜ୍ୟୋତିଙ୍କ ବିରୋଧରେ ୨୫୦୦ପୃଷ୍ଠାର ଚାର୍ଜସିଟ୍ ଦାଖଲ
ପାକିସ୍ତାନ ପାଇଁ ଗୁପ୍ତଚର ଅଭିଯୋଗରେ ଗିରଫ ହୋଇଥିବା ୟୁଟ୍ୟୁବର ଜ୍ୟୋତି ମାଲହୋତ୍ରାଙ୍କ ବିରୋଧରେ ଚାର୍ଜଶିଟ୍ ଦାଖଲ କରାଯାଇଛି। କୋର୍ଟରେ ୨୫୦୦ପୃଷ୍ଠାର ଏକ ଚାର୍ଜସିଟ୍ ଦାଖଲ କରିଛି ପୁଲିସ । ଚାର୍ଜସିଟ୍ ରେ ପୁଲିସ ଜ୍ୟୋତିଙ୍କ ବିରୋଧରେ ହୋଇଥିବା ଅଭିଯୋଗ ତାଙ୍କର ପାକିସ୍ତାନ ଲିଙ୍କ୍କୁ ପ୍ରକାଶ କରିଛି। ହିସାର ପୁଲିସ ଏହି ମାମଲାର ତଦନ୍ତ ପାଇଁ ଏକ ଏସଆଇଟି ଗଠନ କରିଥିଲା । ତଦନ୍ତ ପରେ ଏସଆଇଟି କୋର୍ଟରେ ଚାର୍ଜସିଟ୍ ଦାଖଲ କରିଛି । ଜ୍ୟୋତି ଦୀଘ ଦିନ ହେ ପାକିସ୍ତାନୀ ଏଜେଣ୍ଟମାନଙ୍କୁ ସମ୍ବେନଶୀଳ ସୂଚନା ଦେବା ସହ ସେମାନଙ୍କ ସହିତ ଲଗାତାର ସମ୍ପର୍କରେ ରହିଥିଲେ ବୋଲି ଅଭିଯୋଗ ହୋଇଥିଲା। ଗତ ୧୬ ମେ ରେ ଜ୍ୟୋତିଙ୍କୁ ଗିରଫ କରାଯାଇଥିଲା ।
ହରିୟାଣା ପୋଲିସ ସୂତ୍ର ଅନୁଯାୟୀ, ସ୍ବତନ୍ତ୍ର ତଦନ୍ତ ଦଳ (SIT) ଦ୍ୱାରା ଦାଖଲ କରାଯାଇଥିବା ଚାର୍ଜଶିଟ୍ରେ ପୋଲିସ ଦାବି କରିଛି ଯେ, ଜ୍ୟୋତିଙ୍କୁ ପାକିସ୍ତାନ ପାଇଁ ଏକ ଟୁଲକିଟ୍ ଭାବରେ ବ୍ୟବହାର କରାଯାଉଥିଲା।
ପୋଲିସ କହିଛି, ଜ୍ୟୋତି ପାକିସ୍ତାନୀ ଏଜେଣ୍ଟମାନଙ୍କ ସହିତ ସୂଚନା ଶେୟାର କରୁଥିଲେ ଏବଂ ସେମାନଙ୍କ ସହିତ ନିରନ୍ତର ଯୋଗାଯୋଗରେ ଥିଲେ। ଜ୍ୟୋତି ତାଙ୍କ ପାକିସ୍ତାନ ଗସ୍ତ ସମୟରେ ସେଠାକାର ଏଜେଣ୍ଟମାନଙ୍କ ସହିତ ଯୋଗାଯୋଗ କରିଥିଲେ। ପୋଲିସ ଜ୍ୟୋତିଙ୍କ ମୋବାଇଲରୁ ଅନେକ ଗୁରୁତ୍ୱପୂର୍ଣ୍ଣ ସୂଚନା ପାଇଛି।
ପୋଲିସ ଜ୍ୟୋତି ଏବଂ ଦାନିଶଙ୍କ ମଧ୍ୟରେ ଚାଟ୍ ମଧ୍ୟ ପାଇଛି। ୟୁଟ୍ୟୁବର ଜ୍ୟୋତି ପାକ ହାଇ କମିଶନରେ ନିଯୁକ୍ତ ଦାନିଶ ଅଲ୍ଲୀଙ୍କ ସହିତ ନିରନ୍ତର ଯୋଗାଯୋଗରେ ଥିଲେ। ଜ୍ୟୋତି ଆଇଏସ୍ଆଇ ଏଜେଣ୍ଟ ଶାକିର, ହାସନ ଅଲି ଏବଂ ନାସିର ଢିଲୋନଙ୍କ ସହିତ କଥା ହେଉଥିଲେ। ଜ୍ୟୋତି ଏବଂ ହାସନ ନାମକ ଜଣେ ଏଜେଣ୍ଟଙ୍କ ମଧ୍ୟରେ ଚାଟ୍ ମଧ୍ୟ ପୋଲିସ ପାଇଛି।
ଏହା ସହିତ କେସ୍ ଡାଏରୀରେ ଜ୍ୟୋତିଙ୍କ ସମସ୍ତ ବିଦେଶ ଯାତ୍ରାର ମଧ୍ୟ ଉଲ୍ଲେଖ କରାଯାଇଛି। ଜ୍ୟୋତି ‘ଟ୍ରାଭେଲ ଓ୍ବିଥ୍ ଜିଓ’ ନାମକ ଏକ ୟୁଟ୍ୟୁବଖ ଚ୍ୟାନେଲ ଚଲାଉଥିଲେ, ଯାହାକୁ ପୋଲିସ ୧୬ ମେ’ ୨୦୨୫ରେ ଗିରଫ କରିଥିଲା ଏବଂ ସେବେଠାରୁ ସେ ନ୍ୟାୟିକ ହେପାଜତରେ ଅଛନ୍ତି।
Powered by Froala Editor
