କାଶ୍ମୀର ପଣ୍ଡିତ ସରଳା ଭଟ୍ଟଙ୍କ ମୃତ୍ୟୁର ୩୫ ବର୍ଷ ପରେ ତାଙ୍କ ହତ୍ୟା ମାମଲାର ପୁଣି ତଦନ୍ତ ଆରମ୍ଭ ହୋଇଛି। ଏନେଇ ଜମ୍ମୁ ଏବଂ କାଶ୍ମୀର ରାଜ୍ୟ ତଦନ୍ତକାରୀ ସଂସ୍ଥା (SIA) କାଶ୍ମୀରରେ ଏକ ସିରିଜ୍ ଚଢାଉ ଆରମ୍ଭ କରିଛି। ଅଧିକାରୀମାନେ ଜଣାଇଛନ୍ତି ଯେ ଏସଆଇଏ ନିଷିଦ୍ଧ ଜାମ୍ମୁ ଓ କଶ୍ମୀର ଲିବରେସନ ଫ୍ରଣ୍ଟ (ଜେକେଏଲଏଫ) ସହ ପୂର୍ବରୁ ଜଡ଼ିତ ଥିବା ବିଭିନ୍ନ ବ୍ୟକ୍ତିଙ୍କ ଘରେ ତଲାସୀ କରିଛି। ୧୯୯୦ ଏପ୍ରିଲରେ ଶେର-ଏ-କାଶ୍ମୀର ଇନଷ୍ଟିଚ୍ୟୁଟ ଅଫ ମେଡିକାଲ ସାଇନ୍ସ, ସୌରାରେ ଥିବା ହଷ୍ଟେଲରୁ ସରଲା ଭଟ ନିଖୋଜ ହେବା ପରେ ତାଙ୍କୁ ଶ୍ରୀନଗର ଡାଉନଟାଉନରେ ମୃତ ଅବସ୍ଥାରେ ପାଇଥିଲେ।

୧୬ ଏପ୍ରିଲ, ୧୯୯୦ରେ କାଶ୍ମୀର ମହିଳା ପଣ୍ଡିତ ସରଲା ଭଟ୍ଟଙ୍କ ହତ୍ୟା କରାଯାଇଥିଲା। ଏହି ହତ୍ୟାକାଣ୍ଡ ୩୫ ବର୍ଷ ପୂର୍ବେ ଘଟିଥିଲା। ସରଳା ଭଟ୍ଟଙ୍କ ଶବ ଶ୍ରୀନଗର ସହରରେ ମିଳିଥିଲା। ସେ ଏପ୍ରିଲ ୧୯୯୦ରେ ସୌରାସ୍ଥିତ ଶେର-ଏ-କଶ୍ମୀର ଇନଷ୍ଟିଚ୍ୟୁଟ ଅଫ୍ ମେଡିକାଲ ସାଇନ୍ସେସରେ ଥିବା ତାଙ୍କ ହଷ୍ଟେଲରୁ ନିଖୋଜ ହୋଇଯାଇଥିଲେ। ତାଙ୍କୁ ପ୍ରଥମେ ଗଣ ଦୁଷ୍କର୍ମ କରାଯାଇଥିଲା। ତା’ପରେ ତାଙ୍କୁ ଗୁଳି କରି ହତ୍ୟା କରାଯାଇ ଫୋପଡ଼ା ଯାଇଥିଲା।

ପୂର୍ବତନ ଜେକେଏଲଏଫ ନେତା ପୀର ନୁରୁଲ ହକ ଶାହ ଉର୍ଫ ଏୟାର ମାର୍ଶାଲଙ୍କ ଘର ମଧ୍ୟ ଏସଆଇଏ ଦ୍ୱାରା ତଲାସୀ କରାଯାଇଛି, ଯିଏ ନିକଟରେ ଏହି ମାମଲାର ତଦନ୍ତ ଗ୍ରହଣ କରିଛନ୍ତି। ତଦନ୍ତକାରୀ ଦଳ ୟାସିନ ମଲିକଙ୍କ ଘରେ ମଧ୍ୟ ଚଢାଉ କରିଛି।

Powered by Froala Editor