ଭାରତୀୟ ବାୟୁସେନା ମୁଖ୍ୟ ଏୟାର ଚିଫ ମାର୍ଶାଲ ଏପି ସିଂହ ଏକ ବଡ଼ ଖୁଲାସା କରିଛନ୍ତି। ସେ କହିଛନ୍ତି ଯେ  ଅପରେସନ ସିନ୍ଦୁର ଅଧୀନରେ ଭାରତୀୟ ବାୟୁସେନାର ଏୟାର ଡିଫେନ୍ସ ସର୍ଫେସ-ଟୁ-ଏୟାର ମିସାଇଲ ସିଷ୍ଟମ ପାକିସ୍ତାନର ୫ଟି ଫାଇଟର ଜେଟ ଏବଂ ଗୋଟିଏ ଏଡବ୍ଲୁଏସିଏସ (AWACS) ବିମାନକୁ ମାରି ପକାଇଛି। ବେଙ୍ଗାଲୁରୁରେ ଆୟୋଜିତ ଏୟାର ଚିଫ ମାର୍ଶାଲ ଏଲଏମ କାତ୍ରେ ଲେକ୍ଚର ସମୟରେ ସେ କହିଛନ୍ତି ।

ସେ ଆହୁରି କହିଛନ୍ତି ଯେ ଏସ-୪୦୦ ଏୟାର ଡିଫେନ୍ସ ସିଷ୍ଟମ ଏହି ପାକିସ୍ତାନୀ ବିମାନଗୁଡ଼ିକୁ ମାରି ଖସାଇଥିଲା, ଯେଉଁଥିରେ ଏକ ଏଇଡବ୍ଲୁଇସି/ଇଏଲଆଇଏନଟି (AEW&C/ELINT) ବିମାନକୁ ୩୦୦ କିଲୋମିଟର ଦୂରତାରୁ ନିଶାନା କରାଯାଇଥିଲା । ଏହା ସହିତ ବାୟୁସେନା ମୁଖ୍ୟ ଏପି ସିଂହ, ଲସ୍କର ଏ ତୋଇବାର ମୁରଦିକ୍ ମୁଖ୍ୟାଳୟ ଉପରେ ହୋଇଥିବା ଆକ୍ରମଣର ଭିଡିଓ ଦେଖାଇ ଆକ୍ରମଣ ପୂର୍ବରୁ ଓ ପରେ ଚିତ୍ର କେମିତି ଥିଲା ତାହା କହିଛନ୍ତି । ସେ ଭିଡିଓ ଦେଖାଇ ମୁରଦିକ୍ ମୁଖ୍ୟାଳୟର କେଉଁ ବିଲ୍ଡିଂରେ ଲସ୍କର ଛାମୁଁଆ ନେତା ରହୁଥିଲେ,କେଉଁଠାରେ ମିଟିଂ କରୁଥିଲେ ତାହାର ସୂଚନା ମଧ୍ୟ ଦେଇଥିଲେ ।

ବେଙ୍ଗାଲୁରୁରେ ଆୟୋଜିତ ୧୬ତମ ବାର୍ଷିକ ବାୟୁସେନା ମୁଖ୍ୟ ମାର୍ଶାଲ ଏଲଏମ କାଟ୍ରେ ବକ୍ତୃତାରେ ଭାଷଣ ଦେଇ ଏପି ସିଂହ କହିଛନ୍ତି ଯେ ପାକିସ୍ତାନ ବିପକ୍ଷରେ ଏହି ବିଜୟରେ ରୁଷିଆନ S-400 ବାୟୁ ପ୍ରତିରକ୍ଷା ପ୍ରଣାଳୀ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛି। 

Powered by Froala Editor