OTT ପ୍ଲାଟଫର୍ମରେ ଅଶ୍ଳୀଳତା ରୋକିବାକୁ ୨୫ଟି ପ୍ଲାଟଫର୍ମକୁ ବ୍ୟାନ୍‌ କରିଛନ୍ତି କେନ୍ଦ୍ର ସରକାର । ULLU, ALLT, ଦେଶୀଫ୍ଲିକ୍ସ, ବୁମେକ୍ସ, ନୱରସା ଲାଇଟ୍, ଗୁଲାବ ଆପ୍ ଏବଂ ବିଗ୍ ସଟ୍‌ସ୍ ଭଳି ୨୫ଟି ଆପ୍‌ ଏବଂ ୱେବସାଇଟ୍‌କୁ ବ୍ୟାନ୍ କରାଯାଇଛି । ଏନେଇ ସୂଚନା ଏବଂ ପ୍ରସାରଣ ମନ୍ତ୍ରାଳୟ ପକ୍ଷରୁ ନୋଟିଫିକେସନ ଜାରି କରାଯାଇଛି ।

ଦେଶର ଅନେକ ନାଗରିକ ଓ ବିଭିନ୍ନ ସଂଗଠନ ଏହି ସବୁ ଆପ୍‌ ବିରୋଧରେ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟରେ ଅଭିଯୋଗ କରିଥିଲେ । ଅଭିଯୋଗ ପାଇବା ପରେ ମନ୍ତ୍ରଣାଳୟ ପକ୍ଷରୁ ତଦନ୍ତ ନିର୍ଦ୍ଦେଶ ଦିଆଯାଇଥିଲା । ଆଉ ତଦନ୍ତରୁ ଜଣା ପଡ଼ିଥିଲା ଯେ ଏହି ସବୁ ଆପ୍‌ରେ ୱେବ୍‌ସିରିଜ୍‌ ନାଁରେ ଖୋଲାଖୋଲି ଭାବେ ଅଶ୍ଳୀଳ କଣ୍ଟେଣ୍ଟ ପ୍ରସାରିତ ହେଉଛି।

ଏହା ପରେ ଗଣମାଧ୍ୟମରେ ଅନେକ ଖବର ଆସିବା ଆରମ୍ଭ ହୋଇଛି ଯେ, ଏକତା କପୁରଙ୍କ କମ୍ପାନିର ଏକ ସହାୟକ କମ୍ପାନିର ମାଲିକାନାରେ ଥିବା ଆପ୍ ହେଉଛି ଅଲ୍ଟ। ଏହି ପ୍ରତିବନ୍ଧକ ପରେ ଏକତାଙ୍କୁ ପ୍ରାୟ ୧୦୦୦କୋଟିର କ୍ଷତି ସହିବାକୁ ହେବ। ଏହି ଦାବି ମଧ୍ୟରେ ଏକତା କପୁର ସ୍ପଷ୍ଟିକରଣ ଦେଇଛନ୍ତି, ଯେଉଁଥିରେ କୁହାଯାଇଛି ଯେ, ଏକତା କପୁର କୌଣସି ପ୍ରକାରେ ଅଲ୍ଟ ସହିତ ଜଡିତ ନୁହଁନ୍ତି। ସେ ୨୦୨୧ ମସିହାରେ ଆପ୍‌ଠାରୁ ନିଜକୁ ଦୂରେଇ ଦେଇଥିଲେ।

Powered by Froala Editor