ରିଲାଏନ୍ସ ଅନିଲ ଅମ୍ବାନୀ ଗ୍ରୁପର କମ୍ପାନିଗୁଡ଼ିକ ବିରୋଧରେ ମନି ଲଣ୍ଡରିଂର ଅଭି‌ଯୋଗ ପରେ ପ୍ରବର୍ତ୍ତନ ନିର୍ଦ୍ଦେଶାଳୟ ଯାଞ୍ଚ ଆରମ୍ଭ କରିଥିଲା। ଏହି ଯାଞ୍ଚରେ ଅନିଲ ଅମ୍ବାନୀଙ୍କ ସହିତ ଜଡ଼ିତ ଥିବା ୪୮ରୁ ୫୦ଟି ସ୍ଥାନ ଉପରେ ଚଢ଼ାଉ କରିଛି ଇଡ଼ି।

ଯଦିଓ ଅନିଲ ଅମ୍ବାନୀଙ୍କ ବ୍ୟକ୍ତିଗତ ବାସଭବନରେ ତଲାସୀ ଅଭିଯାନ କରାଯାଇ ନ ଥିଲା, ଦିଲ୍ଲୀ ଏବଂ ମୁମ୍ବାଇର ED ଦଳଗୁଡ଼ିକ ତାଙ୍କ ଗୋଷ୍ଠୀ କମ୍ପାନୀଗୁଡ଼ିକ ସହିତ ଜଡିତ କିଛି ପରିସର ପରିଦର୍ଶନ କରିଥିଲେ। ତଦନ୍ତ RAAGA (ରିଲାଏନ୍ସ ଅନିଲ ଅମ୍ବାନୀ ଗ୍ରୁପ) କମ୍ପାନୀଗୁଡ଼ିକ ଦ୍ୱାରା କଥିତ ମନି ଲଣ୍ଡରିଂ ସହିତ ଜଡିତ।

ତଦନ୍ତରୁ ଜଣାପଡିଛି ଯେ ଏହି କମ୍ପାନିଗୁଡ଼ିକ ବ୍ୟାଙ୍କରୁ ଋଣ ନେଇ ଟଙ୍କାର ଅପବ୍ୟବହାର କରିଥିଲେ।  ଋଣ ଟଙ୍କାଗୁଡ଼ିକୁ ରିଲାଏନ୍ସ ଅନିଲ ଅମ୍ବାନୀ ଗ୍ରୁପର କମ୍ପାନିଗୁଡ଼ିକ ଅନ୍ୟ କମ୍ପାନିକୁ ପଠାଇବା ସହିତ ସାଧାରଣ ଲୋକ, ନିବେଶକ ଏବଂ ସରକାରୀ ସଂସ୍ଥାଗୁଡ଼ିକ ସହିତ ଠକେଇ କରିଥିଲେ।

ଇଡିର ପ୍ରାରମ୍ଭିକ ତଦନ୍ତରେ ଜଣାପଡ଼ିଛି ଯେ ୨୦୧୭ ରୁ ୨୦୧୯ ମଧ୍ୟରେ ୟେସ୍ ବ୍ୟାଙ୍କରୁ ୩୦୦୦ କୋଟି ଟଙ୍କାର ଋଣ ନିଆଯାଇଥିଲା, ଯାହାକୁ ପରେ ଅନ୍ୟ କମ୍ପାନିଗୁଡ଼ିକୁ ପଠାଇ ଦିଆଯାଇଥିଲା। କେବଳ ଏତିକି ନୁହେଁ, ଋଣ ପାସ୍ କରିବା ପାଇଁ ୟେସ୍ ବ୍ୟାଙ୍କ ଅଧିକାରୀ ଏବଂ ପ୍ରମୋଟରମାନଙ୍କୁ ଲାଞ୍ଚ ଦେବା ଘଟଣା ମଧ୍ୟ ସାମ୍ନାକୁ ଆସିଛି।

Powered by Froala Editor