ଡୋନାଲ୍ଡ ଟ୍ରମ୍ପ୍ଙ୍କ ଠାରୁ ଅଧିକ ଆୟ କରନ୍ତି ତାଙ୍କ ନାତୁଣୀ
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ଙ୍କ ଆୟଠୁ ତାଙ୍କ ନାତୁଣୀ କାଇ ଟ୍ରମ୍ପ୍ଙ୍କ ଆୟ ବେଶୀ । ୧୮ ବର୍ଷୀୟା କାଇ ଟ୍ରମ୍ପ୍ ଡୋନାଲ୍ଡ ଟ୍ରମ୍ପ୍ଙ୍କ ତୁଳନାରେ ୫ ଗୁଣ ଅଧିକ ଆୟ କରୁଛନ୍ତି । ମଡେଲିଂ ଓ ବିଜ୍ଞାପନରୁ ସେ ବର୍ଷକୁ ୨୫ ଲକ୍ଷ ଡଲାର ଆୟ କରୁଛନ୍ତି । ଡୋନାଲ୍ଡ ଟ୍ରମ୍ପ୍ ରାଷ୍ଟ୍ରପତି ଭାବେ ବର୍ଷକୁ ୪ ଲକ୍ଷ ଡଲାର ପାଉଛନ୍ତି । ଯାହା ତାଙ୍କ ରାଷ୍ଟ୍ରପତି ଜେଜେଙ୍କ ଦରମାଠୁ ଅଧିକ ।
୨୦୨୫ରେ କାଇ ଟ୍ରମ୍ପ୍ଙ୍କ ନେଟ୍ ସମ୍ପତ୍ତି ୨.୧ କୋଟି ଡଲାର ଆକଳନ କରାଯାଇଛି । ଏହା କେମିତି ସମ୍ଭବ ବୋଲି ଅନେକଙ୍କୁ ଚକିତ କରିଛି । ସୋସିଆଲ ମିଡିଆରେ କାଇଙ୍କର ୬୦ ଲକ୍ଷ ଫଲୋଅର୍ ଅଛନ୍ତି । ମଡେଲିଂ, ସୋସିଆଲ ମିଡିଆ ସ୍ପନ୍ସରସିପ୍ ଓ ବିଜ୍ଞାପନ ଚୁକ୍ତି ଜରିଆରେ ସେ ବର୍ଷକୁ ଏହି ଆୟ କରୁଛନ୍ତି । ତାଙ୍କ ପରିବାର ଦ୍ୱାରା ସ୍ଥାପିତ ୧.୬ କୋଟି ଡଲାର ଟ୍ରଷ୍ଟ୍ ପାଣ୍ଠି ତାଙ୍କ ପାଖରେ ରହିଛି, ଯାହା ଜେପିମୋର୍ଗାନ ଦ୍ୱାରା ପରିଚାଳିତ ହେଉଛି । ଏହି ଟ୍ରଷ୍ଟ୍ ତାଙ୍କୁ ଭବିଷ୍ୟତରେ ଅଧିକ ଆର୍ଥିକ ସୁରକ୍ଷା ଓ ସ୍ୱାଧୀନତା ଦେବ । ଟିକ୍ଟକ୍ରେ ତାଙ୍କର ୩୨ ଲକ୍ଷ ଫଲୋଅର୍ ଅଛନ୍ତି । ଇନ୍ଷ୍ଟାଗ୍ରାମ୍ରେ ୧୮ ଲକ୍ଷ ଏବଂ ୟୁଟ୍ୟୁବ୍ରେ ୧୧.୭ ଲକ୍ଷ ଫଲୋଅର୍ ଅଛନ୍ତି । କାଇ ମିଆମି ବିଶ୍ୱବିଦ୍ୟାଳୟରେ ପ୍ରବେଶ କରିବା ପୂର୍ବରୁ ଆସେଲେରେଟର୍ ଆକ୍ଟିଭ୍ ଏନର୍ଜି, ଲିଫ୍ ଟ୍ରେଡିଂ କାର୍ଡସ୍ ଓ ଟେଲର୍ମେଡ୍ ଗଲ୍ଫ ସହ ଚୁକ୍ତି ସ୍ୱାକ୍ଷର କରିଛନ୍ତି ।
Powered by Froala Editor
