ମନ୍ଦିରକୁ ପୂଜା କରିବାକୁ ଯାଉଥିଲେ, ମହୁମାଛି କଲେ ଆକ୍ରମଣ
ଝୁମ୍ପୁରା: ସାବିତ୍ରୀ ବ୍ରତ ଅବସରରେ ମହିଳାମାନେ ସ୍ବାମୀଙ୍କ ଦୀର୍ଘ ଜୀବନ କାମନା କରି ମନ୍ଦିରକୁ ପୂଜା କରିବା ପାଇଁ ଯାଉଥିବା ବେଳେ ଅଭାବନୀୟ ଘଟଣା ଦେଖିବାକୁ ମିଳିଛି ଝୁମ୍ପୁରା ବ୍ଲକ ଗଣ୍ଡବରେଇ ଗ୍ରାମରେ। ଗ୍ରାମର ରହିଥିବା ମନ୍ଦିର ନିକଟରେ ପାଣି ଟ୍ୟାଙ୍କି ରହିଛି। ଏହି ପାଣି ଟାଙ୍କି ନିକଟରେ ଥିବା ମହୁମାଛି ବସାରୁ କିଛି ମହୁମାଛି ଆସି ମନ୍ଦିରକୁ ପୂଜା କରିବା ପାଇଁ ଆସିଥିବା ଲୋକମାନଙ୍କୁ ଆକ୍ରମଣ କରିଥିଲେ। ମହୁ ମାଛି ଆକ୍ରମଣରେ ମନ୍ଦିର ପୂଜକ ଭାଷ୍କର ନନା ସମେତ ବହୁ ସଂଖ୍ୟକ ମହିଳା ପୁରୁଷ ଆକ୍ରମଣର ଶିକାର ହୋଇଛନ୍ତି। ପ୍ରଥମେ ମହୁମାଛି ଆକ୍ରମଣରେ ଆକ୍ରାନ୍ତ ହୋଇଥିବା ଜୟନ୍ତୀ ମହାନ୍ତ, ଲଳିତା ନାଏକ, ଲିଲିରାଣୀ ଦେହୁରୀ, କବିତା ନାଏକ, ଡାଳିମ୍ବ ନାଏକ, ରବିନ୍ଦ୍ର କୁମାର ମହାନ୍ତ, ଜେମା ମୁଣ୍ଡା, ରିତିକ କୁମାର ମହାନ୍ତ, କ୍ଷିରୋଦତ ମହାନ୍ତ, ଭାଗ୍ୟ ଶ୍ରୀ ଲୁହାରଙ୍କ ସମେତ ଅନ୍ୟ ମହିଳା ମାନେ ଆହତ ହୋଇଛନ୍ତି। ମହୁମାଛି ଆକ୍ରମଣରେ ଆହତଙ୍କୁ ପ୍ରଥମେ ଉଖୁଣ୍ଡା ସ୍ବାସ୍ଥ୍ୟ କେନ୍ଦ୍ରକୁ ଚିକିତ୍ସା ପାଇଁ ନେଇଥିଲେ। କିନ୍ତୁ କିଛି ଲୋକଙ୍କ ଅବସ୍ଥା ଗୁରୁତର ହେବାରୁ ସେମାନଙ୍କୁ ଜିଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରିଥିବା ଜଣାଯାଇଛି।
Powered by Froala Editor
