ପ୍ରବଳ ଝଡ଼ବର୍ଷା: ଏସିପିଙ୍କ କାର୍ଯ୍ୟାଳୟ ଛାତ ଭୁଶୁଡ଼ି ଏସଆଇ ମୃତ
ନୂଆଦିଲ୍ଲୀ: ଦିଲ୍ଲୀ-ଏନସିଆରରେ ପ୍ରବଳ ଝଡ଼ବର୍ଷା ହୋଇଛି। ବର୍ଷା ଓ ପବନ ଯୋଗୁ ବହୁ ସଂଖ୍ୟାରେ ଗଛପତ୍ର ଉପୁଡ଼ି ଯାଇଛି। ରାସ୍ତାଘାଟ ଜଳମଗ୍ନ ହୋଇଛି। ଏପରି କି କୋଠାଘର ବି ଭୁଶୁଡ଼ି ପଡ଼ିଛି। ରାଜଧାନୀ ନୂଆଦିଲ୍ଲୀକୁ ବିମାନ ଉଡ଼ାଣ ପ୍ରଭାବିତ ହୋଇଛି। ୪୯ଟି ବିମାନର ଗତିପଥ ପରିବର୍ତ୍ତନ କରାଯାଇଛି।
ଉତ୍ତରପ୍ରଦେଶର ଗାଜିଆବାଦ ଅନ୍ତର୍ଗତ ଅଙ୍କୁରବିହାରରେ ଥିବା ସହକାରୀ ପୁଲିସ ଆୟୁକ୍ତ(ଏସିପି)ଙ୍କ କାର୍ଯ୍ୟାଳୟ ଛାତ ଭୁଶୁଡ଼ି ପଡ଼ିଛି। ଏହା ଫଳରେ କାର୍ଯ୍ୟାଳୟରେ ଡ୍ୟୁଟିରେ ଥିବା ଜଣେ ଏସଆଇଙ୍କର ମୃତ୍ୟୁ ଘଟିଛି। ସେ ହେଲେ ୫୮ ବର୍ଷୀୟ ବୀରେନ୍ଦ୍ର ମିଶ୍ର। ବୀରେନ୍ଦ୍ର ଶନିବାର ରାତିରେ କାର୍ଯ୍ୟାଳୟରେ ଡ୍ୟୁଟିରେ ଥିବା ସମୟରେ ଝଡ଼ବର୍ଷା ଯୋଗୁ ଛାତ ଭୁଶୁଡ଼ି ପଡ଼ିଥିଲା। ସେ ଏସିପିଙ୍କ ବ୍ୟକ୍ତିଗତ ସହାୟକ ଭାବେ ନିଯୁକ୍ତ ଥିଲେ।
Powered by Froala Editor
