ଲୋକପ୍ରିୟ ଇ-କମର୍ସ ପ୍ଲାଟଫର୍ମ ଆମାଜନ ତାର ସେବାକୁ ବଢାଇବାକୁ ଏକ ନୂଆ ପ୍ରୟାସ ଆରମ୍ଭ କରିଛି । କମ୍ପାନୀ ଏବେ ଡ୍ରୋନ୍ ମାଧ୍ୟମରେ ଘରେ ଘରେ iPhones, Samsung Galaxy ସ୍ମାର୍ଟଫୋନ୍, Apple AirTag, AirPods, Ring Doorbell ଭଳି ଗ୍ୟାଜେଟ୍ ପହଞ୍ଚାଉଛି। ଏହି ସେବା ବର୍ତ୍ତମାନ ଆମେରିକାର କିଛି ସ୍ଥାନରେ ଆରମ୍ଭ ହୋଇସାରିଛି । କୁହାଯାଉଛି ଯେ, ମାତ୍ର 60 ମିନିଟ୍ କିମ୍ବା ତାଠାରୁ  କମ ସମୟରେ ବି ଡେଲିଭରି କରାଯିବ । ଭାରତରେ କିନ୍ତୁ ଏହି ବିଷୟରେ କୌଣସି ସୂଚନା ନାହିଁ।

ଆମାଜନ ଜିନିଷର ଡ୍ରୋନ ଡେଲିଭରି ପାଇଁ କିଛି ସର୍ତ୍ତ ରହିଛି। ରିପୋର୍ଟ ଅନୁଯାୟୀ, ଅର୍ଡର କରାଯାଉଥିବା ଜିନିଷର ଓଜନ ୫ ପାଉଣ୍ଡରୁ କମ୍ ହେବା ଆବଶ୍ୟକ। ଏହାର ଅର୍ଥ ହେଉଛି ଏହାର ଓଜନ ପ୍ରାୟ ୨ କିଲୋ ହୋଇପାରେ। ଡ୍ରୋନ୍ ମାଧ୍ୟମରେ ଡେଲିଭରି ପାଇଁ, ଗ୍ରାହକଙ୍କୁ ଅତିରିକ୍ତ ୪.୯୯ ଡଲାର ଦେବାକୁ ପଡିବ। ଭାରତୀୟ ମୁଦ୍ରାରେ ଏହା ପ୍ରାୟ ୪୩୦ ଟଙ୍କା । ଯଦି ଆପଣ ଏକ ମହଙ୍ଗା ଜିନିଷ ଅର୍ଡର କରୁଛନ୍ତି, ତେବେ ଠିକ୍ ଅଛି, କିନ୍ତୁ ଭାରତରେ, ବ୍ଲିଙ୍କିଟ୍, ଜେପ୍ଟୋ, ଇନଷ୍ଟାମାର୍ଟ ଭଳି ପ୍ଲାଟଫର୍ମଗୁଡ଼ିକ କୌଣସି ଚାର୍ଜ ବିନା ୧୦ ମିନିଟ୍ ମଧ୍ୟରେ ସ୍ମାର୍ଟଫୋନ ବିତରଣ କରିବା ଆରମ୍ଭ କରିଛନ୍ତି।

କମ୍ପାନୀ ପକ୍ଷରୁ ମିଳିଥିବା ସୂଚନାନୁଯାୟୀ, ଏହି କାମ ପାଇଁ ସେମାନେ ୨ ବର୍ଷ ଧରି କଠିନ ପରିଶ୍ରମ କରିଛନ୍ତି। ଏକ ଡିଜିଟାଲ୍ ମାନଚିତ୍ର ତିଆରି କରାଯାଇଛି ଏବଂ ସେହି ମାନଚିତ୍ରକୁ ଡ୍ରୋନରେ ଫିଟ୍ କରାଯାଇଛି। ଡିଜିଟାଲ୍ ମାନଚିତ୍ରରେ ଡ୍ରୋନ୍ ଡେଲିଭରି କରାଯାଇପାରିବ ବୋଲି ସମସ୍ତ ସ୍ଥାନ ବିଷୟରେ ସୂଚନା ରହିଛି।

Powered by Froala Editor