ନୂଆଦିଲ୍ଲୀ : ସିନ୍ଦୂର ନେଲା ସିନ୍ଦୂରର ପ୍ରତିଶୋଧ। ଦିନେ ସିନ୍ଦୂର ପୋଛି କନ୍ଦାଇଥିଲା। ଏବେ ସିନ୍ଦୂର ଦେଲା ଉଚିିତ୍‌ ଜବାବ। ସେଦିନ ଥିଲା ଏପ୍ରିଲ ୨୨ । ଯେବେ ପ୍ରକୃତିର ସୌନ୍ଦର୍ଯ୍ୟରେ ନିଜକୁ ହଜାଇ ଦେଇଥିବା ପର୍ଯ୍ୟଟକ କାଶ୍ମୀରର ପହଲଗାଓଁରେ ପରିବାର ସହ ବୁଲିବାକୁ ଯାଇ ସବୁକିଛି ହଜାଇଥିଲେ । କିଏ ହରାଇଥିଲା ସ୍ୱାମୀକୁ ତ ପୁଣି କିଏ ବାପାକୁ, କିଏ ପୁଅକୁ । ଚାରି ଆଡେ ଶୁଭୁ ଥିଲା କାନ୍ଦ ବୋବାଳି । ସ୍ତବ ହୋଇଯାଇଥିଲା ସାରା ଦେଶ । ରକ୍ତର ଛିଟାରେ ପରିଜନ ଖୋଜି ବୁଲୁଥିଲେ ନିଜ ପ୍ରିୟ ମଣିଷକୁ । ମାତ୍ର ସବୁକିଛି ବଦଳି ଯାଇଥିଲା । ପହଗାଓଁରେ ହୋଇଥିବା ଆତଙ୍କୀ ଆକ୍ରମଣରେ ଚାଲି ଯାଇଥିଲା ୨୬ ନୀରିହ ଜୀବନ । ପ୍ରତିଶୋଧ ନେବା ପାଇଁ ଭାରତ ଅପେକ୍ଷା କରିଥିଲା ସଠିକ୍‌ ସମୟକୁ । ମେ’ ୬ ବିଳମ୍ବିତ ରାତିରେ ପାକିସ୍ତାନ ଓ ପିଓକେରେ କରିଥିଲା ଏୟାର ଷ୍ଟ୍ରାଇକ୍‌ । ଗତକାଲି ବିଳମ୍ବିତ ରାତିରେ ଭାରତୀୟ ସେନା ପାକିସ୍ତାନ ଏବଂ ପିଓକେରେ ଥିବା ୯ଟି ଆତଙ୍କବାଦୀ ଆଡ୍ଡା ଉପରେ ଆକ୍ରମଣ କରିଛି। ରାତି ପ୍ରାୟ ୧.୩୦ ସମୟରେ ଭାରତ ‘ଅପରେସନ୍ ସିନ୍ଦୂର’ ଅଧୀନରେ ବାହାବଲପୁର, କୋଟଲି ଏବଂ ମୁଜାଫରାବାଦରେ ଥିବା ଆତଙ୍କବାଦୀ ଆଡ୍ଡାଗୁଡ଼ିକୁ ଟାର୍ଗେଟ କରିଥିଲା। ପହଲଗାମ ଆତଙ୍କବାଦୀ ଆକ୍ରମଣର ୧୫ ଦିନ ପରେ, ସେନା ଆତଙ୍କବାଦୀ ଏବଂ ସେମାନଙ୍କ ସହାୟକମାନଙ୍କୁ ଉଚିତ ଜବାବ ଦେଇଛି।

ଜମ୍ମୁ-କାଶ୍ମୀରର ପହଲଗାମ୍‌ରେ ମଙ୍ଗଳବାର ଏପ୍ରିଲ ୨୨ରେ ହୋଇଥିଲା ଆତଙ୍କୀ ଆକ୍ରମଣ। ଆତଙ୍କବାଦୀମାନେ ପର୍ଯ୍ୟଟକଙ୍କ ଉପରେ ଆଖିବୁଜା ଗୁଳି ଚାଳନା କରି ୨୬ ଜଣଙ୍କୁ ନୃଂଶସ ଭାବେ ହତ୍ୟା କରିଥିଲେ। ସେନା ପୋଷାକ ପିନ୍ଧି ଆତଙ୍କୀମାନେ ପହଲଗାମ୍‌ର ବାୟସରନ ଘାଟିରେ ପ୍ରଥମେ ପର୍ଯ୍ୟଟକଙ୍କୁ ସେମାନଙ୍କ ଧର୍ମ ପଚାରିବା ସହ ପରିଚୟ ପତ୍ର ଦେଖିଥିଲେ । ଏହାପରେ ହିନ୍ଦୁ ବୋଲି କହି ଗୁଳି ଚାଳନା କରିଥିଲେ। ୨୬ ମୃତକଙ୍କ ମଧ୍ୟରେ ଅଧିକାଂଶ ପର୍ଯ୍ୟଟକ ସହ ୨ ଜଣ ବିଦେଶୀ ଓ ୨ ଜଣ ସ୍ଥାନୀୟ ନାଗରିକ ସାମିଲ ଥିଲେ । ପ୍ରାୟ ୨୦ ଜଣ ଆହତ ହୋଇଥିଲେ।

Powered by Froala Editor