ଦୀର୍ଘ ସମୟ ଧରି ଦର ବୃଦ୍ଧି ପରେ ନିବେଶକମାନଙ୍କ ଦ୍ୱାରା ଲାଭ ଆଦାୟ (profit-booking) ଏବଂ ବିଶ୍ୱ ବଜାରରେ ବଦଳୁଥିବା ମନୋଭାବ ଯୋଗୁ ସୁନା ଓ ରୂପାରେ ବଡ଼ ଧରଣର ହ୍ରାସ ଦେଖିବାକୁ ମିଳିଛି। ଆଗାମୀ ପର୍ବପର୍ବାଣି ଓ ବିବାହ ଋତୁରେ ଘରୋଇ ଚାହିଦା ବୃଦ୍ଧି ପାଇଲେ ଦର ପୁନର୍ବାର ବୃଦ୍ଧି ପାଇପାରେ।

‘କେଡିଆ ଆଡଭାଇଜରୀ’ର ନିର୍ଦ୍ଦେଶକ ଅଜୟ କେଡିଆଙ୍କ ମତରେ, ସାମ୍ପ୍ରତିକ ହ୍ରାସ ସତ୍ତ୍ୱେ ଭାରତୀୟ ବଜାରରେ ସୁନାର ଚାହିଦା ଦୃଢ଼ ରହିଛି। ଭାରତରେ ସୁନା କେବଳ ଏକ ନିବେଶର ମାଧ୍ୟମ ନୁହେଁ; ଏହାର କ୍ରୟ ସିଧାସଳଖ ପର୍ବପର୍ବାଣି ଏବଂ ବିବାହ ଉତ୍ସବ ସହିତ ଜଡ଼ିତ। ଫଳରେ, ସେପ୍ଟେମ୍ବର ଶେଷ ସୁଦ୍ଧା ସୁନା ଦର ପ୍ରତି ୧୦ ଗ୍ରାମ ପିଛା ପ୍ରାୟ ୧.୬ ଲକ୍ଷ ଟଙ୍କାକୁ ପହଞ୍ଚିପାରେ ବୋଲି ଆକଳନ କରାଯାଇଛି। ସେପ୍ଟେମ୍ବର ଶେଷ ସୁଦ୍ଧା ୧୦ ଗ୍ରାମ ସୁନାର ମୂଲ୍ୟ ୧.୬ ଲକ୍ଷ ଟଙ୍କା ଏବଂ ବର୍ଷ ଶେଷ ସୁଦ୍ଧା ୧.୮ ଲକ୍ଷ ଟଙ୍କା ସ୍ତରରେ ପହଞ୍ଚିପାରେ। ସେହିପରି ରୂପା ଦର ମଧ୍ୟ ପ୍ରତି କିଲୋଗ୍ରାମ ପିଛା ୩ ଲକ୍ଷ ଟଙ୍କା ପର୍ଯ୍ୟନ୍ତ ପହଞ୍ଚିପାରେ ବୋଲି ଆକଳନ କରାଯାଇଛି।

MCX ତଥ୍ୟ ଅନୁଯାୟୀ, ଗତ ସାତଟି କାରବାର ଦିନ ମଧ୍ୟରେ ସୁନା ଦର ପ୍ରାୟ ୪% ଏବଂ ରୂପା ଦର ପ୍ରାୟ ୨% ହ୍ରାସ ପାଇଛି। ତିନି ମାସର ଅବଧି ମଧ୍ୟରେ ସୁନା ଦର ପ୍ରାୟ ୩% ଏବଂ ରୂପା ଦର ପ୍ରାୟ ୮% ହ୍ରାସ ପାଇଛି। ଛଅ ମାସର ଅବଧି ମଧ୍ୟରେ ମଧ୍ୟ ଉଭୟ ଧାତୁର ଦରରେ ହ୍ରାସ ରେକର୍ଡ କରାଯାଇଛି।

Powered by Froala Editor