ବୁଧବାର ସଂଧ୍ୟାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ବସିଥିବା ସୁରକ୍ଷା ସଂପର୍କିତ କ୍ୟାବିନେଟ୍ କମିଟି (ସିସିଏସ) ପରେ ସରକାର ସିନ୍ଧୁଜଳ ଚୁକ୍ତି ରଦ୍ଦ ନିଷ୍ପତ୍ତି ନେଇଛନ୍ତି । ବୈଠକ ପରେ କେନ୍ଦ୍ର ବୈଦେଶିକ ସଚିବ ବିକ୍ରମ ମିସ୍ରି ସରକାରଙ୍କ ନିଷ୍ପତ୍ତି ସଂପର୍କରେ ଗଣମାଧ୍ୟମକୁ ସୂଚନା ଦେଇଛନ୍ତି । ସିସିଏସ ବୈଠକରେ ନିଆଯାଇଥିବା ଆଉ ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି କ୍ରମେ ସରକାର ପାକିସ୍ତାନୀ ନାଗରିକମାନଙ୍କୁ ୪୮ ଘଣ୍ଟା ମଧ୍ୟରେ ଭାରତ ଛାଡିବାକୁ ନିର୍ଦ୍ଦେଶ ଦେଇଛନ୍ତି । ସେମାନଙ୍କର ଭିସା ବାତିଲ କରାଯାଇଛି।

ଭାରତ ୱାଘା ସୀମା ବନ୍ଦ କରିବାର ଘୋଷଣାର ଜବାବରେ, ପାକିସ୍ତାନ ମଧ୍ୟ ୱାଘା ସୀମା ବନ୍ଦ କରିବାର ଘୋଷଣା କରିଛି। ଭାରତ ପାକିସ୍ତାନକୁ ଦେଶ ଛାଡିବା ପାଇଁ ପରାମର୍ଶ ଜାରି କରିଥିଲା, ପାକିସ୍ତାନ ମଧ୍ୟ ସମସ୍ତ ଭାରତୀୟଙ୍କୁ ଏପ୍ରିଲ ୩୦ ସୁଦ୍ଧା ଦେଶ ଛାଡିବା ପାଇଁ ନିର୍ଦ୍ଦେଶ ଜାରି କରିଛି। ପାକିସ୍ତାନ ମଧ୍ୟ ସିମଲା ଚୁକ୍ତିନାମାକୁ ମଧ୍ୟ ବନ୍ଦ କରିଛି । ପାକିସ୍ତାନ ତାର ଏୟାରସ୍ପେସ ବନ୍ଦ କରିଦେଇଛି। ପାକିସ୍ତାନ କହିଛି, ଯଦି ଭାରତ ପାଣି ବନ୍ଦ କରେ ତେବେ ଏହାକୁ ଯୁଦ୍ଧ ବୋଲି ବିବେଚନା କରାଯିବ।

ପାକିସ୍ତାନ କହିଛି ଯେ, ସିନ୍ଧୁ ଜଳ ଚୁକ୍ତିନାମା ବିଶ୍ୱ ବ୍ୟାଙ୍କ ଦ୍ୱାରା ମଧ୍ୟସ୍ଥତାରେ ହୋଇଥିବା ଏକ ଅନ୍ତର୍ଜାତୀୟ ଚୁକ୍ତିନାମା ଏବଂ ଏଥିରେ ଏକପାଖିଆ ସ୍ଥଗିତ ରଖିବାର କୌଣସି ବ୍ୟବସ୍ଥା ନାହିଁ। ଭୟଭୀତ ପାକିସ୍ତାନ ଭାରତ ଉପରେ ଅନ୍ତର୍ଜାତୀୟ ଆଇନ ଉଲ୍ଲଂଘନ କରୁଥିବାର ଅଭିଯୋଗ ଆଣିଛି। ଭାରତର କାର୍ଯ୍ୟାନୁଷ୍ଠାନ ଭୟରେ, ପହଲଗାମ ଆକ୍ରମଣରେ ଏହାର କୌଣସି ଭୂମିକା ନାହିଁ ବୋଲି ପାକିସ୍ତାନ କହିଛି।

Powered by Froala Editor