ନୂଆଦିଲ୍ଲୀ : ବିଦ୍ୟାର୍ଥୀ ଓ ଶିକ୍ଷକଙ୍କ ମଧ୍ୟରେ ସମ୍ପର୍କର ଖୁବ୍‌ ମହତ୍ତ୍ୱ ରହିଥିବା ସହ ସମ୍ମାନୀୟ ମଧ୍ୟ । କୁହାଯାଏ ବାପା-ମାଆଙ୍କ ପରେ ଶିକ୍ଷକଙ୍କ ହାତରେ ପିଲାଙ୍କ ଭବିଷ୍ୟତ ରହିଛି । ଶିକ୍ଷିତ କରିବା ସହ ଅଜ୍ଞାନରୂପକ ଅନ୍ଧକାରକୁ ଗୁରୁ ଦୂର କରି ଥାନ୍ତି । ଅନେକ ସମୟରେ ଗୁରୁ ଛାତ୍ରଛାତ୍ରୀଙ୍କୁ ସଠିକ୍‌ ରାସ୍ତାକୁ ଆଣିବା ପାଇଁ କଠୋର ମଧ୍ୟ ହୋଇଥାନ୍ତି । ତେବେ ନିକଟରେ ସୋସିଆଲ ମିଡିଆରେ ଏଭଳି ଏକ ଭିଡିଓ ଦ୍ରୁତ ଗତିରେ ଭାଇରାଲ୍‌ ହେଉଛି ଯାହାକୁ ଦେଖିଲେ ଆପଣ ମଧ୍ୟ ମୁଣ୍ଡରେ ହାତ ଦେବା ସହ ଆଶ୍ଚର୍ଯ୍ୟଚକିତ ହୋଇଯିବେ। ଭିଡିଓଟି ସଭିଁଙ୍କ ଧ୍ୟାନକୁ ଆକର୍ଷିତ କରୁଛି ।

ଭିଡିଓରେ ଦେଖିପାରିବେ, ଜଣେ ଛାତ୍ରୀ ନିଜ କଲେଜର ଅଧ୍ୟାପିକଙ୍କୁ ହାତ ଉଠାଇବା ସହ ଚପଲରେ ମାଡ ମାରିଥିଲେ । ପ୍ରଥମେ ଅଧ୍ୟାପିକା ଛାତ୍ରୀଙ୍କୁ ବୁଝାଇବାକୁ ଚେଷ୍ଟା କରିଥିଲେ, ମାତ୍ର ପରେ ଅଧ୍ୟାପିକା ମଧ୍ୟ ତାଙ୍କ ବ୍ୟବହାରରେ ବିରକ୍ତ ହୋଇ ହାତ ଉଠାଇଥିଲେ। କିଛି ଅଧ୍ୟାପିକା, କର୍ମଚାରୀ ତାଙ୍କୁ ଅଟକାଇଥିଲେ।
ଏହି ଘଟଣା ଆନ୍ଧ୍ରପ୍ରଦେଶର ଏକ ଇଞ୍ଜିନିୟରିଂ କଲେଜର ବୋଲି ଜଣାପଡିଛି । ଏକ ମୋବାଇଲ୍‌ ଫୋନ୍‌ ପାଇଁ ଅଧ୍ୟାପିକା ଓ ଛାତ୍ରୀଙ୍କ ମଧ୍ୟରେ ମାମଲା ବଢିଯାଇଥିଲା । ଅଧ୍ୟାପିକା ଜଣକ ଛାତ୍ରୀଙ୍କ ମୋବାଇଲ୍‌ ଫୋନ୍‌ ନେବା ପରେ ଛାତ୍ରୀ ଜଣକ ରାଗି ଯାଇ କଲେଜ ପରିସରରେ ହିଁ ଅଧ୍ୟାପିକାଙ୍କୁ ଗାଳି ଗୁଲଜ କରିବା ସହ ହାତ ଉଠାଇ ଓ ଚପଲରେ ମାଡ ମାରିଥିଲେ। ପ୍ରଥମେ ଉଭୟଙ୍କ ମଧ୍ୟରେ ଯୁକ୍ତି-ତର୍କ ହୋଇ ପରିସ୍ଥିତି ବିଗିଡି ଯାଇଥିଲା। ଭିଡିଓ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି ।

Powered by Froala Editor