ବିଧାନସଭା: ବ୍ୟାରିକେଡ୍ ଭାଙ୍ଗିଲେ ବିଜେଡି ଓ କଂଗ୍ରେସ ବିଧାୟକ
ଭୁବନେଶ୍ଵର: ବିଧାନସଭାରେ ଉଭୟ ଭିତରେ ଓ ବାହାରେ ବୁଧବାର ହାଇଡ୍ରାମା ଦେଖିବାକୁ ମିଳିଛି। ବିଧାନସଭା ପରିସର ପାଲଟିଛି ରଣକ୍ଷେତ୍ର। ନାରୀ ନିର୍ଯାତନା ପ୍ରସଙ୍ଗ ଓ ବିଧାୟକମାନଙ୍କ ନିଲମ୍ବନକୁ ନେଇ ଗତକାଲି ରାତିରୁ ଏପର୍ଯ୍ୟନ୍ତ କଂଗ୍ରେସର ଧାରଣା ଓ ପ୍ରତିବାଦ ଜାରି ରହିଥିବାବେଳେ ଆଜି ବିଜେଡିର ମଧ୍ୟ ହଙ୍ଗାମା ଦେଖିବାକୁ ମିଳିଛି। ବିଧାନସଭା ଗେଟ୍ ତଥା ବ୍ୟାରିକେଡ୍ ଭାଙ୍ଗି ଦେଇଛନ୍ତି ବିଜେଡି ଓ କଂଗ୍ରେସ ବିଧାୟକ। ବ୍ୟାରିକେଡ୍ ଭାଙ୍ଗି ରାସ୍ତାକୁ ଆସି ନାରାବାଜୀ କରିବାସହ ପ୍ଲାକାର୍ଡ଼ ଧରି ପ୍ରତିବାଦ କରିଛନ୍ତି ବିଜେଡି ବିଧାୟକ।
ଅପରପକ୍ଷେ ଆଜି ବିଧାନସଭା ଯାଇଛନ୍ତି ୨ କଂଗ୍ରେସ ବିଧାୟକ। ବିଧାୟକ ତାରାପ୍ରସାଦ ବାହିନୀପତି ଓ ରମେଶ ଜେନା ଗୃହ ମଧ୍ୟକୁ ଯାଇ ଘଣ୍ଟ ବାଡ଼େଇ ପ୍ରତିବାଦ କରିଛନ୍ତି। ଅନ୍ୟ ୧୨ ଜଣ ନିଲମ୍ବିତ କଂଗ୍ରେସ ବିଧାୟକଙ୍କୁ ଗୃହ ଭିତରକୁ ଛଡ଼ାଯାଇନାହିଁ। ଗୃହ ଭିତରେ ଥିବା ଉଭୟ ବିଧାୟକ ତାରା ଓ ରମେଶ ପ୍ରଶ୍ନୋତ୍ତର କାର୍ଯ୍ୟକ୍ରମ ସମୟରେ ଘଣ୍ଟ ବାଡ଼େଇ ପ୍ରତିବାଦ କରିଛନ୍ତି। ଅନ୍ୟମାନେ ବାହାରେ ଧାରଣା ଓ ନାରାବାଜୀ ଜାରି ରଖିଛନ୍ତି।
Powered by Froala Editor
