ସରକାର ଖୁବଶୀଘ୍ର ମଧ୍ୟବିତ୍ତ ପରିବାର ଏବଂ ଗାଡ଼ି ମାଲିକମାନଙ୍କୁ ଆଉ ଏକ ଉପହାର ଦେଇପାରନ୍ତି। ସରକାର ଏକ ବାର୍ଷିକ ଟୋଲ ପାସ ପ୍ରଚଳନ କରିବାକୁ ଯାଉଛନ୍ତି। ଏହି ପାସ ପାଇଁ ଆପଣଙ୍କୁ କେବଳ ୩ ହଜାର ଟଙ୍କା ଦେବାକୁ ପଡିବ। ତା’ପରେ ଆପଣ ବର୍ଷସାରା କୌଣସି ବିନା ବାଧାରେ ଜାତୀୟ ରାଜପଥରେ ଯାତ୍ରା କରିପାରିବେ।

କେବଳ ବାର୍ଷିକ ନୁହେଁ, ଯଦି ଜଣେ ଗାଡି ଚାଳକ ଚାହେଁ ତେବେ ଜୀବନବ୍ୟାପୀ ଏକ ଟୋଲ୍ ପାସ୍ ପାଇପାରିବେ । ଏହି ପାସ୍ ସାହାଯ୍ୟରେ, ଆପଣ ବର୍ଷସାରା ଜାତୀୟ ରାଜପଥରେ କୌଣସି ବାଧା ବିନା ଯାତ୍ରା କରିପାରିବେ । ଲାଇଫଟାଇମ୍ ଟୋଲ୍ ପାସ୍ ସାହାଯ୍ୟରେ, ଆପଣ ୧୫ ବର୍ଷ ପାଇଁ ଟୋଲ୍ ନଦେଇ ହାଇୱେରେ ଗାଡ଼ି ଚଲାଇ ପାରିବେ ।

କେନ୍ଦ୍ର ସରକାରଙ୍କ ପ୍ରସ୍ତାବ ଅନୁଯାୟୀ, ଯାତ୍ରୀ ମାତ୍ର ୩,୦୦୦ ଟଙ୍କାରେ ବର୍ଷିକିଆ ଟୋଲ ପାସ ଜରିଆରେ ଯିବା ଆସିବା କରିବାର ସୁବିଧା ମିଳିବ। ସେହିପରି ୧୫ ବର୍ଷ ପାଇଁ ଲାଇଫଟାଇମ ଟୋଲ ପାସ ୩୦,୦୦୦ ଟଙ୍କାରେ ଉପଲବ୍ଧ ହେବ। ଏହି ଯୋଜନା ଲାଗୁ ହେବା ପରେ ଜାତୀୟ ରାଜପଥରେ ଯାତ୍ରା କରୁଥିବା ଲକ୍ଷ ଲକ୍ଷ ଯାତ୍ରୀଙ୍କୁ ସିଧାସଳଖ ଲାଭ ମିଳିବ ।

ରିପୋର୍ଟ ମୁତାବକ, ଏହି ପ୍ରସ୍ତାବ ସଡକ ପରିବହନ ମନ୍ତ୍ରଣାଳୟ ନିକଟରେ ଶେଷ ପର୍ଯ୍ୟାୟରେ ରହିଛି । ଏହାଦ୍ବାରା ହାଇୱେରେ ଯାତାୟତ କରୁଥିବା ଲୋକଙ୍କୁ ଆଶ୍ବସ୍ତି ମିଳିବ। ଏହି ନୂଆ ପାସ ପାଇଁ କୌଣସି ପ୍ରକାରର ନୂଆ କାର୍ଡ କିଣିବାର ଆବଶ୍ୟକତା ନାହିଁ । ଏହା ଫାସଟାଗ ସହିତ ଲିଙ୍କ କରାଯିବ ।

Powered by Froala Editor