୨ ଚିତା ଶାବକ ଜନ୍ମ ଦେଲା ‘ଭିରା’
ପୁଣି କୁନୋ ଜାତୀୟ ଉଦ୍ୟାନରେ ଖୁସିର ମାହୋଲ। ମଙ୍ଗଳବାର ମାଇ ଚିତା ‘ଭିରା’ ଦୁଇଟି ଶାବକଙ୍କୁ ଜନ୍ମ ଦେଇଛି । ବର୍ତ୍ତମାନ କୁନୋ ଜାତୀୟ ଉଦ୍ୟାନରେ ୧୪ ଶାବକଙ୍କ ସହ ଚିତା ସଂଖ୍ୟା ୨୬କୁ ବୃଦ୍ଧି ପାଇଛି । ଏ ସମ୍ପର୍କରେ ମୁଖ୍ୟମନ୍ତ୍ରୀ ମୋହନ ଯାଦବ କହିଛନ୍ତି, ମଧ୍ୟପ୍ରଦେଶରେ ଚିତାଙ୍କ ସଂଖ୍ୟା ନିରନ୍ତର ବୃଦ୍ଧି ପାଉଛି। ଚିତାଙ୍କ ସଂଖ୍ୟା ବୃଦ୍ଧି ସହିତ, ରାଜ୍ୟରେ ପର୍ଯ୍ୟଟନକୁ ଏକ ନୂତନ ପ୍ରୋତ୍ସାହନ ମିଳୁଛି।
ମୋହନ ଯାଦବ ‘ଏକ୍ସ’ରେ ଶୁଭେଚ୍ଛା ଜଣାଇଛନ୍ତି । ମଧ୍ୟପ୍ରଦେଶର ଜଙ୍ଗଲ ବୁକରେ ଦୁଇ ଚିତା ଶାବକଙ୍କୁ ସ୍ୱାଗତ । ରାଜ୍ୟର ଚିତା ସଂଖ୍ୟା କ୍ରମାଗତ ଭାବେ ବୃଦ୍ଧି ପାଉଥିବାରୁ ମୁଁ ଖୁସି ଅଛି । ଆଜି ମାଇ ଚିତା ଭିରା ଦୁଇଟି ଶାବକଙ୍କୁ ଜନ୍ମ ଦେଇଛି । ଏହି ଚିତା ପ୍ରକଳ୍ପରେ ନିୟୋଜିତ ଥିବା ଜାତୀୟ ଉଦ୍ୟାନର ଅଧିକାରୀ, ଡାକ୍ତର ଓ କର୍ମଚାରୀଙ୍କୁ ସେମାନଙ୍କ ଅକ୍ଳାନ୍ତ ପରିଶ୍ରମ ପାଇଁ ଧନ୍ୟବାଦ ବୋଲି କହିଛନ୍ତି ।
Powered by Froala Editor
