୧୫୦ଫୁଟ ତଳକୁ ଖସିଲା ଜିପ, ଦୁଇ ଗୁରୁତର
କୋରାପୁଟ: କୋରାପୁଟ ଜିଲ୍ଲା ଡୁଡୁମା ଜଳପ୍ରପାତ ନିକଟରେ ୧୫୦ଫୁଟ ତଳକୁ ଜିପ ଖସି ଗୁରୁତର ଆହତ ହୋଇଛନ୍ତି ଦୁଇ ଜଣ ପର୍ୟ୍ୟଟକ। ଗୁରୁତର ଆହତ ପର୍ୟ୍ୟଟକ ଦ୍ୱୟ ହେଉଛନ୍ତି ପରଜିତ ଦାସ ଓ ସୁନେନ୍ଦୁ ସାହୁ। ଉଭୟ ବାଲେଶ୍ୱରର ବୋଲି ଜଣାପଡ଼ିଛି। ଏହି ଦୁଇ ଜଣ ଡୁଡୁମା ଜଳପ୍ରପାତ ବୁଲିବାକୁ ଯାଉଥିଲେ। ତେବେ ଡୁଡୁମା ଜଳପ୍ରପାତ ନିକଟରେ ଗାଡ଼ିଟି ଭାରସାମ୍ୟ ହରାଇ ରାସ୍ତାରୁ ପ୍ରାୟ ୧୫୦ ଫୁଟ୍ ତଳକୁ ଓଲଟି ପଡ଼ିଥିଲା।ସ୍ଥାନୀୟ ଲୋକେ ଉଭୟଙ୍କୁ ଉଦ୍ଧାର କରି ଅନକାଡେଲି ଡାକ୍ତରଖାନାକୁ ନେଇଥିଲେ। ସେଠାରେ ସେମାନଙ୍କର ପ୍ରାଥମିକ ଚିକିତ୍ସା କରାଯାଇଥିଲା।ତା’ପରେ ସେମାନଙ୍କୁ ଜୟପୁରକୁ ସ୍ଥାନାନ୍ତର କରାଯାଇଥିଲା।
ମିଳିଥିବା ସୂଚନା ଅନୁଯାୟୀ, ଏହି ଦୁଇ ଜଣଙ୍କ ମଧ୍ୟରୁ ଯିଏ ଗାଡ଼ି ଚଲାଉଥିଲେ ତାଙ୍କ ଆଖି ଲାଗି ଯାଇଥିଲା। ତେଣୁ ଏହି ଦୁର୍ଘଟଣା ଘଟିଥିଲା।
Powered by Froala Editor
