ବକ୍ସ ଅଫିସ୍ରେ ଧମାଲ କରୁଛି ସିଙ୍ଘମ ଏଗେନ୍
ଦିଓ୍ବାଲୀରେ ବଲିଉଡର ଦୁଇ ଫିଲ୍ମ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଛି । ଅଜୟ ଦେବଗନଙ୍କ ଅଭିନୀତ ଫିଲ୍ମ ସିଙ୍ଘମ ଏଗେନ୍ ଏବଂ କାର୍ତ୍ତିକ ଆର୍ଯ୍ୟନଙ୍କ ଭୁଲ୍ ଭୁଲେୟା ୩ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଛି । ତେବେ ଏହି ଦୁଇ ଫିଲ୍ମ ବକ୍ସ ଅଫିସରେ ଭଲ ରୋଜଗାର କରୁଛି ।
ଅଜୟ ଦେବଗନଙ୍କ ଫିଲ୍ମ 'ସିଂଘମ ଏଗେନ' ଓ୍ବିକେଣ୍ଡ ଆରମ୍ଭରୁ କଲେକ୍ସନରେ ଧିମା ଦେଖା ଦେଇଥିଲା। ଦ୍ବିତୀୟ ଓ୍ବିକେଣ୍ଡରେ ପୁଣି ବଢିଥିଲା । ୧୦ମ ଦିନର ଫିଲ୍ମର କଲେକ୍ସନର ରିପୋର୍ଟ ଆସି ସାରିଛି । ସିଙ୍ଘମ ଏଗେନ ୧୦ମ ଦିନ ପର୍ଯ୍ୟନ୍ତ ୮.୨୨କୋଟି ଟଙ୍କାର କଲେକ୍ସନ କରିଛି । ରିପୋର୍ଟ ଅନୁସାରେ ମୋଟ ୨୦୧.୪୭କୋଟି କଲେକ୍ସନ ହୋଇସାରିଛି ।
ସିଙ୍ଘମ ଏଗେନ ଅଜୟ ଦେବଗନଙ୍କ ଚତୁର୍ଥ ଏଭଳି ଫିଲ୍ମ ହୋଇଯାଇଛି ଯାହା ୨୦୦କୋଟିର ସଂଖ୍ୟା ପାର୍ କରିପାରିଛି । ଏହା ପୂର୍ବରୁ ଗୋଲମାଲ ଏଗେନ, ତାହ୍ନାଜୀ-ଦ ଅନସଙ୍ଗ ଓ୍ବାରିୟର ଏବଂ ଦୃଶ୍ୟମ ୨ ୨୦୦କୋଟିରୁ ଅଧିକ ଘରୋଇ ବକ୍ସ ଅଫିସରେ କଲେକ୍ସନ କରିଥିଲା ।
ରୋହିତ ସେଟ୍ଟୀଙ୍କ ନିର୍ଦ୍ଦେଶିତ ଏହି ଫିଲ୍ମ ବିଗ ବଜେଟରେ ନିର୍ମାଣ ହୋଇଥିବାବେଳେ ଦିପାବଳୀ ସମୟରେ ରିଲିଜ ହୋଇଥିଲା । ମାତ୍ର ଭୁଲ ଭୁଲେୟା ୩ ରିଲିଜ ହେବା ପରେ ଏହା ଉପରେ ପ୍ରଭାବ ପକାଇଛି ବୋଲି ସିନେ ସମୀକ୍ଷକମାନେ ମତ ଦେଇଛନ୍ତି । ତେବେ ଭୁଲ ଭୁଲେୟ ୩ ମଧ୍ୟ ଏବେ ଭଲ ରୋଜଗାର କରୁଛି । ଏହି ଫିଲ୍ମ ମଧ୍ୟ ଦର୍ଶକଙ୍କ ମହଲରେ ବେଶ ଆଦୃତ ହୋଇଛି ।
Powered by Froala Editor
