ଜ୍ଞାନବାପି ମାମଲାରେ ହିନ୍ଦୁ ପକ୍ଷଙ୍କ ଆବେଦନକୁ ଖାରଜ କଲେ କୋର୍ଟ
ବାରାଣସୀର ସିଭିଲ ଜଜ୍ ସିନିୟର ଡିଭିଜନ୍ ଫାଷ୍ଟଟ୍ରାକ୍ ଏବେ ଜ୍ଞାନବାପି ବିବାଦକୁ ନେଇ ରାୟ ଶୁଣାଇଛନ୍ତି। ବାରଣାସୀର ସିଭିଲ ଜଜ୍ ସିନିୟର ଡିଭିଜନ୍ ଫାଷ୍ଟଟ୍ରାକ୍ କୋର୍ଟ ରାୟ ଶୁଣାଇ ଏଏସ୍ଆଇ ସର୍ଭେ ପାଇଁ ହିନ୍ଦୁ ପକ୍ଷର ଆବେଦନକୁ ଖାରଜ କରିଦେଇଛନ୍ତି।
ସୂଚନାଯୋଗ୍ୟ ଯେ, ୧୯୯୧ମସିହାରେ ହରିହର ପାଣ୍ଡେ, ସୋମନାଥ ବ୍ୟାସ ଓ ରାମରଙ୍ଗ ଶର୍ମାଙ୍କ ତରଫରୁ ଜ୍ଞାନବାପି ମସଜିଦର ମାଲିକାନା ପାଇବା ପାଇଁ ଆବେଦନ କରାଯାଇଥିଲା। ପାଖାପାଖି ଦୁଇ ଦଶନ୍ଧିର ଶୁଣାଣି ପରେ ବାରଣାସୀର ସିଭିଲ ଜଜ୍ ସିନିୟର ଡିଭିଜନ ଫାଷ୍ଟଟ୍ରାକ୍ କୋର୍ଟରେ ହିନ୍ଦୁ ପକ୍ଷ ପକ୍ଷରୁ ଦୁଇଟି ଦାବି ଉପସ୍ଥାପନ କରାଯାଇଥିଲା। ଯେଉଁଥିରେ ପ୍ରଥମ ଦାବି ଥିଲା ଯେ ବଜୁଖାନାର ଏଏସଆଇ ସର୍ଭେ କରାଯାଉ, ଯାହାଦ୍ୱାରା ସେଠାରେ ପ୍ରକୃତରେ ଶିବଲିଙ୍ଗ ଅଛି ନା ଝରଣା ଅଛି ତାହା ଜାଣିପାରିବ। ସେହିପରି ହିନ୍ଦୁ ପକ୍ଷ ଦାବି କରିଛି ଯେ ମସଜିଦର ମୁଖ୍ୟ ଗୁମ୍ବୁଜ ତଳେ ୧୦୦ ଫୁଟର ଶିବଲିଙ୍ଗ ରହିଛି। ଏଭଳି ପରିସ୍ଥିତିରେ ମସଜିଦର ଢାଞ୍ଚାକୁ କ୍ଷତି ନପହଞ୍ଚାଇ ଖନନ କରାଯିବା ଉଚିତ, ଯାହାଦ୍ୱାରା ଶିବଲିଙ୍ଗର ଦାବି କୁ ଆକଳନ କରାଯାଇପାରିବ।
Powered by Froala Editor
