ପଞ୍ଜାବୀ ଗାୟକ ଦିଲଜିତ ଦୋସାଞ୍ଜ ତାଙ୍କର ଦିଲ୍ଲୀର କନସର୍ଟ ପାଇଁ ପ୍ରସ୍ତୁତି ଚଳାଇଛନ୍ତି । ଦିଲଜିତଙ୍କ ଦିଲ-ଲୁମିନିଟି ଟୁର୍ ଅଧୀନରେ ତାଙ୍କର କନସର୍ଟ ମୋଟ ୧୦ଟି ସହରରେ ଅନୁଷ୍ଠିତ ହେବ । ୨୬ ଅକ୍ଟୋବରରେ ନୂଆଦିଲ୍ଲୀର ଜବାହରଲାଲ ନେହେରୁ ଷ୍ଟାଡିୟମରେ ଦିଲଜିତଙ୍କ ଏକ ମେଗା କନସର୍ଟ ଅନୁଷ୍ଠିତ ହେବାକୁ ଯାଉଛି । ଏହାରି ମଧ୍ୟରେ ଦିଲଜିତ ବିବାଦରେ ଛନ୍ଦି ହୋଇଛନ୍ତି । ଜଣେ ଫ୍ୟାନ୍ ତାଙ୍କୁ ଲିଗାଲ୍ ନୋଟିସ ପଠାଇଛନ୍ତି ।

ଗଣମାଧ୍ୟମ ରିପୋର୍ଟ ଅନୁସାରେ, ଦିଲ୍-ଲୁମିନାଟି କନ୍‌ସର୍ଟ ପାଇଁ ଟିକେଟ୍ ମୂଲ୍ୟ ହେରଫେର କରିବା ଅଭିଯୋଗରେ ଦିଲଜିତଙ୍କୁ ଆଇନଗତ ନୋଟିସ୍ ପଠାଯାଇଛି। ଦିଲ୍ଲୀର ଜଣେ ଆଇନ ଛାତ୍ରୀ ଟିକେଟ୍ କିଣିବାକୁ ଅସମର୍ଥ ହେବା ପରେ ଗାୟକଙ୍କୁ ଏକ ଆଇନଗତ ନୋଟିସ୍ ପଠାଇଛନ୍ତି। ସେ ଅଭିଯୋଗ କରିଛନ୍ତି ଯେ, ଆୟୋଜକମାନେ ଟିକେଟ୍ ଉପଲବ୍ଧତାରେ ଗଡ଼ବଡ଼ କରିଛନ୍ତି, ଯେଉଁଥିପାଇଁ ଟିକେଟ୍ ମୂଲ୍ୟରେ ମଧ୍ୟ ହେରଫେର ହୋଇଛି ଏବଂ ଏହାର ଦାମ୍ ବଢାଇ ଦିଆଯାଇଛି।

ତାଙ୍କ ନୋଟିସରେ ସେ କହିଛନ୍ତି ଯେ ସେପ୍ଟେମ୍ବର ୧୨ ରେ ଅପରାହ୍ନ ୧ ଟାରେ ଟିକେଟ୍ ବୁକିଂ ସମୟ ଘୋଷଣା କରିବା ସତ୍ତ୍ୱେ ରାତି ୧୨:୫୯ ରେ ପାସ୍ ଉପଲବ୍ଧ ହୋଇଥିଲା, ଯେଉଁ କାରଣରୁ ଏକ ମିନିଟ୍ ମଧ୍ୟରେ ଶହ ଶହ ପ୍ରଶଂସକ ଟିକେଟ ବୁକ୍ କରିଥିଲେ।

ପ୍ରାରମ୍ଭିକ ବୋର୍ଡ ପାସ୍ ର ଲାଭ ପାଇବା ପାଇଁ ସେ ସ୍ୱତନ୍ତ୍ର ଭାବେ ଏକ ଏଚଡିଏଫସି କ୍ରେଡିଟ୍ କାର୍ଡ ତିଆରି କରିଛନ୍ତି ବୋଲି ସେ ଦାବି କରିଛନ୍ତି । ତେବେ ସେମାନଙ୍କ ଆକାଉଣ୍ଟରୁ ଟଙ୍କା କଟାଯିବା ସତ୍ତ୍ୱେ ସେମାନେ ପାସ୍ ପାଇପାରିନଥିଲେ ଏବଂ ପରେ ରାଶି ଫେରସ୍ତ କରାଯାଇଥିଲା । ଦିଲଜିତଙ୍କ ବ୍ୟତୀତ ଏହି ନୋଟିସ୍ ଅନ୍ୟ ପକ୍ଷଙ୍କୁ ମଧ୍ୟ ପଠାଯାଇଛି। ବର୍ଦ୍ଧିତ ମୂଲ୍ୟରେ ପୁନଃ ବିକ୍ରୟ କରିବା ଉଦ୍ଦେଶ୍ୟରେ ସ୍କେଲିଂ ଏବଂ ଜମା କରିବା କଷ୍ଟମର ରାଇଟ୍ସର ଉଲ୍ଲଂଘନ ଅଟେ । ସେପଟେ ନୋଟିସ ଜାରି ପରେ ଦିଲଜିତ ଏବଂ ଶୋ' ଆୟୋଜକଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।

Powered by Froala Editor