ଅସ୍କାର-୨୦୨୬: "ୱାନ୍ ବ୍ୟାଟଲ ଆଫ୍ଟର ଆନାଦର' ଶ୍ରେଷ୍ଠ ଫିଲ୍ମ
ଲସ୍ ଏଞ୍ଜେଲେସର ଡଲ୍ବି ଥିଏଟରରେ ସର୍ବଶ୍ରେଷ୍ଠ ପୁରସ୍କାର ସମାରୋହ ୯୮ତମ ଏକାଡେମୀ ଆୱାର୍ଡସ ବା ଓସ୍କାର ଅନୁଷ୍ଠିତ ହୋଇଯାଇଛି । ଅସ୍କାର-୨୦୨୬ରେ ପୁରସ୍କାର ପୋଛିନେଇଛି ପଲ୍ ଥାମାସ ଆଣ୍ଡରସନ୍ଙ୍କ ବହୁଚର୍ଚ୍ଚିତ ଫିଲ୍ମ "ୱାନ୍ ବ୍ୟାଟଲ ଆଫ୍ଟର ଆନାଦର' । ୧୩ ନାମିନେସନରୁ ୬ ସମ୍ମାନ ସହିତ ଶ୍ରେଷ୍ଠତ୍ୱ ପ୍ରଦର୍ଶନ କରିଛି । ଏହା ଶ୍ରେଷ୍ଠ ଚଳଚ୍ଚିତ୍ର ଓ ଶ୍ରେଷ୍ଠ ନିର୍ଦ୍ଦେଶନା ଭଳି ବଡ଼ ପୁରସ୍କାର ହାସଲ କରିଛି ।
ଓସ୍କାର-୨୦୨୬ରେ ଭାରତ ସେମିତି ବଡ଼ ଉପଲବ୍ଧି ହାସଲ କରିନାହିଁ । ଅଭିନେତ୍ରୀ-ପ୍ରଯୋଜିକା ପ୍ରିୟଙ୍କା ଚୋପ୍ରା ସମାରୋହରେ ପ୍ରେଜେଣ୍ଟର ଥିଲେ । ଭାରତୀୟ-ଆମେରିକୀୟ ଫିଲ୍ମମେକର୍ ଗୀତା ଗାନ୍ଧଭୀର ଦୁଇଟି ବିଭାଗ: ଶ୍ରେଷ୍ଠ ଡକ୍ୟୁମେଣ୍ଟାରୀ ଫିଚର ଫିଲ୍ମ (ଦ ପର୍ଫେକ୍ଟ ନେବର୍) ଓ ଡକ୍ୟୁମେଣ୍ଟାରୀ ଶର୍ଟ ଫିଲ୍ମ (ଦ ଡେଭିଲ ଇଜ୍ ବିଜି) ରେ ନୋମିନେଟ୍ ହୋଇଥିଲେ । କିନ୍ତୁ କୌଣସିଟି ପୁରସ୍କାର ହାସଲ କରିପାରି ନାହିଁ । ଟେଲିଭିଜନ୍ ହୋଷ୍ଟ ଓ କମେଡିଆନ୍ କାନାନ ଓ'ବ୍ରାଏନ୍ ଲଗାତାର ୨ୟ ଥର ସମୋରାହ ସଂଚାଳନା କରିଥିଲେ ।
ଏହାଛଡା ରାନ୍ କୁଗଲରଙ୍କ "ସିନର୍ସ' ୪ ପୁରସ୍କାର ସହିତ ଚମ+ାର ପ୍ରଦର୍ଶନ କରିଛି । ଫିଲ୍ମରେ ଦମ୍ଦାର ପ୍ରଦର୍ଶନ ଲାଗି ଶ୍ରେଷ୍ଠ ଅଭିନେତା ସମ୍ମାନ ପାଇଛନ୍ତି ମାଇକେଲ ବି ଜାର୍ଡାନ । "ହାମ୍ନେଟ୍'ର ଜେସି ବକ୍ଲି ଶ୍ରେଷ୍ଠ ଅଭିନେତ୍ରୀ ସମ୍ମାନ ପାଇଛନ୍ତି । ଗିଲର୍ମୋ ଡେଲେ ଟାରାଙ୍କ "ଫ୍ରାଙ୍କେନଷ୍ଟିନ୍' ୩ ଓସ୍କାର ହାସଲ କରିଛି । "ୱିପନ୍ସ' ଅଭିନେତା ଏମି ମାଡିଗାନ ଓ "ୱାନ୍ ବ୍ୟାଟଲ ଆଫ୍ଟର ଆନାଦର'ର ସିନ୍ ପେନ୍ଙ୍କୁ ଶ୍ରେଷ୍ଠ ସହ-ଅଭିନେତା ପୁରସ୍କାର ମିଳିଛି ।
Powered by Froala Editor
