ଓଟିଇଟି ପ୍ରଥମ ସିଟିଂ ପରୀକ୍ଷା ପ୍ରଶ୍ନପତ୍ର ଲିକ
ଭୁନେଶ୍ୱର: ଆଜି ଅନୁଷ୍ଠିତ ହେଉଥିବା ଓଟିଇଟି ପ୍ରଥମ ସିଟିଂ ପରୀକ୍ଷା ପ୍ରଶ୍ନପତ୍ର ଲିକ ହୋଇଥିବା ଚର୍ଚ୍ଚା ହେଉଛି । ପ୍ରଥମ ସିଟିଂର ଡି’ ସେଟ ପ୍ରଶ୍ନପତ୍ର ଲିକ ହୋଇଥିବା ଅଭିଯୋଗ ହୋଇଛି । ପରୀକ୍ଷା ସିଟିଂ ଶେଷ ପୂର୍ବରୁ ମୋବାଇଲକୁ ପ୍ରଶ୍ନ ଆସିଯାଇଥିଲା । ଦେବଗଡ଼ର ଏକ ସରକାରୀ ବାଳିକା ଉଚ୍ଚ ବିଦ୍ୟାଳୟରୁ ପ୍ରଶ୍ନପତ୍ର ଲିକ ହୋଇଥିବା ସୂଚନା ମିଳିଛି ।
ତେବେ ପ୍ରଶ୍ନପତ୍ର ଫଟୋ ଉଠାଇବା ଅଭିଯୋଗରେ ଜଣେ ପରୀକ୍ଷାର୍ଥୀଙ୍କୁ ବୁକ କରାଯାଇଥିବା ଜଣାଯାଇଛି । ଏହାଛଡ଼ା ଫଟୋ ଉଠାଯାଇଥିବା ମୋବାଇଲକୁ ଜବତ କରାଯାଇଥିବା ନେଇ ବିଇଓ ସୂଚନା ଦେଇଛନ୍ତି । ତେବେ ଏହାର ଯାଞ୍ଚ ଚାଲିଛି । ବୋର୍ଡ ଏହାର ନିଷ୍ପତ୍ତି ନେବ ବୋଲି ଡିଇଓ କହିଛନ୍ତି ।
ଅନ୍ୟପକ୍ଷରେ ପ୍ରଶ୍ନପତ୍ର ଲିକ ଅଭିଯୋଗକୁ ବୋର୍ଡ ସଭାପତି ରାମାଶିଶ ହାଜରା ଖଣ୍ଡନ କରିଛନ୍ତି ।
