ପ୍ୟାରିସ୍ ଅଲିମ୍ପିକ୍ସରେ ଭାରତକୁ ପ୍ରଥମ ପଦକ ଦେଲେ ମନୁ
୧୨ ବର୍ଷର ପ୍ରତୀକ୍ଷାର ଅନ୍ତ ଘଟିଛି । ପ୍ୟାରିସ୍ ଅଲିମ୍ପିକ୍ସରେ ମନୁ ଭାକର ଭାରତର ପଦକ ଖାତା ଖୋଲିଛନ୍ତି। ୧୦ ମିଟର ଏୟାର ପିସ୍ତଲ ମହିଳା ଫାଇନାଲରେ ମନୁ ଭାକର ଚମତ୍କାର ପ୍ରଦର୍ଶନ କରି ବ୍ରୋଞ୍ଜ ପଦକ ଜିତିଛନ୍ତି। ସେ ମହିଳା ୧୦ ମିଟର ଏୟାର ପିସ୍ତଲ ଇଭେଣ୍ଟରେ ୨୨୧.୭ ସ୍କୋର ସହିତ ବ୍ରୋଞ୍ଜ ପଦକ ଜିତିଥିଲେ। ମନୁ ପ୍ରଥମ ଭାରତୀୟ ମହିଳା ଭାବେ ଶୁଟିଂରେ ଏହି କୃତିତ୍ୱ ହାସଲ କରିଛନ୍ତି।
୨୦୧୨ ମସିହା ଲଣ୍ଡନ ଅଲମ୍ପିକ୍ସରେ ଭାରତ ଶେଷଥର ପାଇଁ ଏହି ଇଭେଣ୍ଟରେ ପଦକ ଜିତିଥିଲା । ୨୫ ମିଟର ରେପିଡ ଫାୟର ପିଷ୍ଟଲରେ ବିଜୟ କୁମାର ରଜତ ପଦକ ଓ ୧୦ ମିଟର ଏୟାର ରାଇଫଲରେ ଗଗନ ନାରଙ୍ଗ ବ୍ରୋଞ୍ଜ ଜିତିଥିଲେ । ଆଉ ଏବେ ମନୁ ଭାକର ବ୍ରୋଞ୍ଜ ଜିତି ଐତିହାସିକ ସଫଳତା ସାଉଁଟିଛନ୍ତି । ପ୍ରଧାନମନ୍ତ୍ରୀଠୁ ଆରମ୍ଭ କରି ଦେଶର କୋଟି କୋଟି ଭାରତୀୟ ସମର୍ଥକ ମନୁଙ୍କ ଏହି ସଫଳତାରେ ଆତ୍ମବିଭୋର ମଧ୍ୟ ହୋଇ ଉଠିଛନ୍ତି ।
ହରିୟାଣାର ଝଜ୍ଜରରେ ରହୁଥିବା ୨୨ ବର୍ଷୀୟ ମନୁ ଫାଇନାଲରେ ତୃତୀୟ ସ୍ଥାନ ବଜାୟ ରଖିଥିଲେ । ଏହି କାର୍ଯ୍ୟକ୍ରମର ସ୍ବର୍ଣ୍ଣ ଓ ରୌପ୍ୟ ପଦକ ଦକ୍ଷିଣ କୋରିଆର ଦୁଇଜଣ ଆଥଲେଟ ଜିତିଥିଲେ। ଓହ ୟେ ଜିନ ୨୪୩.୨ ସ୍କୋର ସହିତ ସ୍ବର୍ଣ୍ଣ ପଦକ ଏବଂ କିମ ୟେଜି ୨୪୧.୩ ସ୍କୋର ସହିତ ରୌପ୍ୟ ପଦକ ଜିତିଛନ୍ତି।
Powered by Froala Editor
