କାମାକ୍ଷାନଗରରୁ ଗଦା ଗଦା ନକଲି ସର୍ଫ ଏକ୍ସଲ ଜବତ
ଢେଙ୍କାନାଳ ଜିଲ୍ଲା କାମାକ୍ଷାନଗରରେ ନକଲି ସର୍ଫ ଏକ୍ସଲର କାରବାର ଚାଲିଛି । ସୂଚନା ଅନୁଯାୟୀ, କାମାକ୍ଷାନଗର ସହରରେ ସର୍ଫଏକ୍ସଲ୍ କମ୍ପାନୀ ନାଁରେ ନକଲି ଡିଟରଜେଣ୍ଟ୍ ବିକ୍ରି ହେଉଥିବା ସର୍ଫଏକ୍ସଲର କମ୍ପାନୀ କର୍ତ୍ତୃପକ୍ଷ ଜାଣିବାକୁ ପାଇଥିଲେ । ଏ ନେଇ ମୁମ୍ବାଇସ୍ଥିତ ମୁଖ୍ୟ କାର୍ଯ୍ୟାଳୟକୁ ଅବଗତ କରାଯିବା ପରେ ସେଠାରୁ ଏକ ଟିମ୍ ଗୁରୁବାର କାମାକ୍ଷାନଗରରେ ପହଞ୍ôଚଥିଲେ ।
ବମ୍ବେ କୋର୍ଟଙ୍କ ଅନୁମତିକ୍ରମେ ଟିମ୍ ବିଭିନ୍ନ ଦୋକାନ ଯାଞ୍ଚ କରିବାକୁ କାମାକ୍ଷାନଗର ଥାନା ପୁଲିସର ସହଯୋଗ ଲୋଡିଥିଲେ । କାମାକ୍ଷାନଗର ସହରର ତରୁଣବଜାର, ମୁଣ୍ଡିଦେଉଳି, ହନୁମାନ ବଜାର, ଆଳତୁମାଠାରେ ଥିବା ବିଭିନ୍ନ ଦୋକାନରେ ଏହି ଟିମ୍ ଚଢ଼ଉ କରାଯାଇଥିଲା । ପୁଲିସ ଉପସ୍ଥିତିରେ କମ୍ପାନୀର ୬ଜଣିଆ ଟିମ୍ ଯାଞ୍ଚ କରିଥିଲେ ।
ବିଭିନ୍ନ ଦୋକାନରେ ସର୍ଫଏକ୍ସଲ୍ କମ୍ପାନୀ ନାଁରେ ନକଲି ଡିଟର୍ଜେଣ୍ଟ୍ କାରବାର ହେଉଥିବା ସ୍ପଷ୍ଟ ହୋଇଥିଲା । ବିପୁଳ ପରିମାଣର ନକଲି ଡିଟର୍ଜେଣ୍ଟ୍ ଜବତ କରିଛି ଏହି ଟିମ୍ । ଚଢ଼ଉକୁ ନେଇ ଦୋକାନୀମାନେ ଛାନିଆ ହୋଇପଡ଼ିଛନ୍ତି । ତେବେ ନକଲି ଡିଟର୍ଜେଣ୍ଟ୍ କେଉଁଠାରୁ ଆସୁଥିଲା ଓ କେଉଁଠି ପ୍ରସ୍ତୁତ ହେଉଛି ତାହା ଜଣାପଡିନାହିଁ । କମ୍ପାନୀର ଟିମ୍ ତାହାର ଖୋଳତାଡ଼ କରୁଛି ।
Powered by Froala Editor
