ସୁନ୍ଦରଗଡ଼ ତହସିଲ କାର୍ୟ୍ୟାଳୟ ଵନ୍ଦ
ସୁନ୍ଦରଗଡ଼: ପୁଣି ନିଜର କାୟା ବିସ୍ତାର କରି ଚାଲିଛି କରୋନା। ଓଡ଼ିଶାରେ କରୋନା ଗ୍ରାଫ ଧୀରେ ଧୀରେ ଉପରମୁହାଁ ହେଉଛି । ଦିନକୁ ଦିନ କରୋନା ଲମ୍ବଡିଆଁ ମାରୁଛି । ରାଜ୍ୟରେ କରୋନା ଚିତ୍ର ଦିନକୁ ଦିନ ଭୟାନକ ଆଡ଼କୁ ଯାଉଛି । ତେବେ ଏହାରି ଭିତରେ ଏକ ବଡ଼ ଖବର ସାମନାକୁ ଆସିଛି । ତାହା ହେଲା ସୁନ୍ଦରଗଡ଼ ତହସିଲର ୩ କର୍ମଚାରୀ କରୋନା ସଂକ୍ରମିତ ହୋଇଛନ୍ତି। ଏହାକୁ ଦୃଷ୍ଟିରେ ରଖି ଆଜି ତହସିଲ କାର୍ୟ୍ୟାଳୟକୁ ଵନ୍ଦ କରିଦିଆଯାଇଛି। ଏ ସମ୍ପର୍କରେ କାର୍ୟ୍ୟାଳୟ ପକ୍ଷରୁ ଏକ ନୋଟିସ ଜାରି କରାଯାଇଛି।
ଅନ୍ୟପଟେ ସୁନ୍ଦରଗଡ଼ ଜିଲ୍ଲାରେ କରୋନା ସଂକ୍ରମଣ ଉଦଵେଗଜନକ ସ୍ଥିତିରେ ପହଞ୍ଚିଛି। ସୂଚନାଯୋଗ୍ୟ, ଆଜି ଜିଲ୍ଲାରେ ୨୨୪ ସଂକ୍ରମିତ ଚିହ୍ନଟ ହୋଇଥିବା ଵେଳେ ସେଥିମଧ୍ୟରୁ ସୁନ୍ଦରଗଡ଼ ସହରରୁ ୧୦ ଜଣ ରହିଥିବା ସୂଚନା ମିଳିଛି।
