ନୂଆଦିଲ୍ଲୀ : କେରଳର ତ୍ରିଶୁରରେ ଖାଦ୍ୟ ବିଷାକ୍ତକରଣ ହେବା ପରେ ମଙ୍ଗଳବାର ଜଣେ ମହିଳାଙ୍କ ହସ୍ପିଟାଲରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିବା ଅଭିଯୋଗ ହୋଇଛି। ହସ୍ପିଟାଲ ପକ୍ଷରୁ ମିଳିଥିବା ରିପୋର୍ଟ ଅନୁଯାୟୀ, ଶନିବାର ରାତିରେ କୌଣସି ଖାଦ୍ୟ ଖାଇବା ପରେ ଖାଦ୍ୟ ବିଷାକ୍ତକରଣ ହୋଇଥିଲା। ଖାଦ୍ୟ ବିଷାକ୍ତକରଣ କାରଣରୁ ପ୍ରାୟ ୧୮୭ ଜଣ ଲୋକେ ହସ୍ପିଟାଲରେ ଭର୍ତ୍ତି ହୋଇଥିଲେ। ଏମାନେ ମଧ୍ୟ ସେହି ହୋଟେଲରୁ ଖାଦ୍ୟ ଖାଇଥିଲେ ଯେଉଁ ହୋଟେଲରୁ ମହିଳା ଜଣକ ଖାଦ୍ୟ ଖାଇଥିଲେ। ଖାଦ୍ୟ ଖାଇବା ପରେ ସମସ୍ତଙ୍କ ବାନ୍ତି ସହ ଝାଡା ହୋଇଥିଲା।
ଶନିବାର ରାତିରେ ଖାଦ୍ୟ ଖାଇବା ପରେ ମହିଳାଙ୍କ ସ୍ୱାସ୍ଥ୍ୟ ଜନିତ ସମସ୍ୟା ଦେଖାଦେଇଥିଲା। ଏହାପରେ ସେ ନିକଟସ୍ଥ ସ୍ୱାସ୍ଥ୍ୟ କେନ୍ଦ୍ରକୁ ଯାଇଥିଲେ। ମାତ୍ର ସେଠାରେ ସ୍ୱାସ୍ଥ୍ୟ ଅଧିକ ବିଗିଡିବାରୁ ଅନ୍ୟ ହସ୍ପିଟାଲକୁ ଯାଇଥିଲେ। ଏହାପରେ ମହିଳାଙ୍କ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଥିଲା।
ଖାଦ୍ୟ ଓ ସ୍ୱାସ୍ଥ୍ୟ ଅଧିକାରୀ ହୋଟେଲର ଖାଦ୍ୟ ପରୀକ୍ଷା କରାଇବାକୁ ପଠାଇବା ସହ ହୋଟେଲ ବନ୍ଦ କରିବାକୁ ନିର୍ଦ୍ଦେଶ ଦେଇଛନ୍ତି। ମିଓନିଜରେ କଞ୍ଚା ଅଣ୍ଡା ବ୍ୟବହାର ଖାଦ୍ୟ ବିଷାକ୍ତ ହେବାର କାରଣ ବୋଲି କୁହାଯାଇଛି। ମାତ୍ର ଏହାର ସ୍ପଷ୍ଟତା ପାଇଁ ପରୀକ୍ଷଣ ପାଇଁ ପଠାଯାଇଛି। ଘଟଣାର ତଦନ୍ତ ଜାରି ରହିଛି।

Powered by Froala Editor