ମେ’ ପହିଲାରୁ ଆରମ୍ଭ ହେବ ଓବିସି ସର୍ଭେ
ଭୁବନେଶ୍ୱର : ମେ’ ପହିଲାରୁ ରାଜ୍ୟରେ ଆରମ୍ଭ ହେବ ଓବିସି ସର୍ଭେ । ଏନେଇ ଖାଦ୍ୟ ଯୋଗାଣ ଏବଂ ଖାଉଟି କଲ୍ୟାଣ ସଚିବ ବୀରବିକ୍ରମ ଯାଦବଙ୍କ ଅଧ୍ୟକ୍ଷତାରେ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି । ବୈଠକର ନିଷ୍ପତ୍ତି ଅନୁସାରେ ମେ’୨୦ ତାରିଖ ମଧ୍ୟରେ ସର୍ଭେ ସରି ନପାରିଲେ ୨୧ରୁ ୨୫ ତାରିଖ ମଧ୍ୟରେ ସେସ୍ପାଲ ଡ୍ରାଇଭ, ୨୧ ରୁ ୩୧ ମେ ତାରିଖରେ ଜୋନାଲ ସେଣ୍ଟରମାନଙ୍କରେ ଫର୍ମ ଗୁଡ଼ିକର ସ୍କାନିଂ, ଜୁନ ମାସ ୧ ତାରିଖରେ ଡ୍ରାଫ୍ଟ ଲିଷ୍ଟି ଜାରି ହେବ । ଏ ସଂକ୍ରାନ୍ତରେ କୌଣସି ଆପତ୍ତି ଥିଲେ ୧ ରୁ ୫ ଜୁନ ମଧ୍ୟରେ ଅଭିଯୋଗ ଶୁଣାଣି ହେବ । ଜୁନ ମାସ ୧୧ ତାରିଖରେ ଅନ୍ତିମ ରିପୋର୍ଟ ଜାରି ହେବ । ସର୍ଭେ ତଦାରଖ ପାଇଁ ତୃଣମୂଳ ସ୍ତରରୁ ବିଭିନ୍ନ ପର୍ଯ୍ୟାୟରେ ଅଧିକାରୀମାନଙ୍କୁ ଦାୟିତ୍ୱ ଦିଆଯାଇଛି । ଉଭୟ ଅନଲାଇନ ଏବଂ ଅଫଲାଇନ ଜରିଆରେ ଏସସିବିସି ସମ୍ପ୍ରଦାୟର ଜଣେ ବ୍ୟକ୍ତି ଏହି ସର୍ଭେରେ ସାମିଲ ହୋଇପାରିବେ । ଏହି କାର୍ଯ୍ୟ ପାଇଁ ୨୨ ହଜାର ସୁପରଭାଇଜର, ୧୭୦୦ ବିଏଲଏମ, ୧୪୦ ଡିଏଲଏମଙ୍କୁ ପ୍ରଶିକ୍ଷଣ ଦିଆଯାଇଛି ।
