ସଲମାନ୍ ନୁହେଁ ବିଗ୍ ବସ୍ ଓଟିଟି ହୋଷ୍ଟ କରିବେ ଅନୀଲ କପୁର
ଏଣିକି ବିଗ ବସ ଓଟିଟି ସଲମାନ ନୁହେଁ ଅନୀଲ କପୁର ହୋଷ୍ଟ କରିବେ । ସେ ଏଥିପାଇଁ ପ୍ରସ୍ତୁତ ହୋଇସାରିଲେଣି । ଖୁବ ଶୀଘ୍ର ଅନିଲ 'ବିଗ ବସ ଓଟିଟି' ସିଜନ ୩ର ପ୍ରୋମୋ ସୁଟିଂ କରିବାକୁ ଯାଉଛନ୍ତି। ଅନିଲ କପୁର ଏହା ପୂର୍ବରୁ କଲର୍ସ ଟିଭି ପାଇଁ ସିରିଜ୍ '୨୪ 'କରିଥିଲେ। ଏହି ସିରିଜରେ ସେ ଜୟ ସିଂ ରାଥୋଡଙ୍କ ଚରିତ୍ରରେ ଅଭିନୟ କରିଥିଲେ। ସେ ସଲମାନ ଖାନଙ୍କ ବିଗ ବସରେ ଅନେକ ଥର ଅତିଥି ଭାବରେ ଅଂଶଗ୍ରହଣ କରିଥିଲେ। କିନ୍ତୁ ହୋଷ୍ଟ ଭାବରେ ଏହା ଅନିଲ କପୁରଙ୍କ ପ୍ରଥମ ରିଆଲିଟି ଶୋ' ହେବ।
ସଲମାନ ଖାନ ତାଙ୍କର ବ୍ୟସ୍ତବହୁଳ ଚଳଚ୍ଚିତ୍ର କାର୍ଯ୍ୟସୂଚୀ ହେତୁ 'ବିଗ ବସ ଓଟିଟି'ରେ ହୋଷ୍ଟ କରିବାକୁ ମନା କରିଦେଇନ୍ତି। କେବଳ ଟିଭିରେ ବିଗ ବସ ଆୟୋଜନ କରିବାକୁ ଆଗ୍ରହୀ ଅଛନ୍ତି।ତେଣୁ ଅନିଲ କପୁର ଓଟିଟିର ବିଗ ବସ୍ ହୋଷ୍ଟ କରିବେ । ନୂଆ ସିଜିନକୁ ଦର୍ଶକ ଅପେକ୍ଷା କରିଛନ୍ତି । ଏଥର ବିଗ ବସରେ କିଏ କିଏ ନୂଆ ଅତିଥି ଆସିବେ ସେନେଇ ସମସ୍ତଙ୍କ ନଜର ରହିଛି ।
Powered by Froala Editor
