ଲୋକଙ୍କ ଉପରେ ମାଡ଼ିଗଲା ରେସିଂ କାର୍, ୭ ମୃତ୍
![ଲୋକଙ୍କ ଉପରେ ମାଡ଼ିଗଲା ରେସିଂ କାର୍, ୭ ମୃତ୍](https://odishanewslens.com/news_gallery/29534_1713781649.jpg)
ନୂଆଦିଲ୍ଲୀ: ଶ୍ରୀଲଙ୍କାର ଦିୟାତାଲାୱା ସହରରେ ଦ୍ରୁତ ଗତିରେ ଯାଉଥିବା ଏକ ରେସିଂ କାର୍ ହଠାତ୍ ଲୋକଙ୍କ ଉପରେ ମାଡ଼ିଗଲା। ଏହି ଦୁର୍ଘଟଣାରେ ଘଟଣାସ୍ଥଳରେ ୭ ଜଣଙ୍କ ମୃତ୍ୟୁ ହୋଇଥିବା ବେଳେ ୨୦ ଜଣ ଗୁରୁତର ହୋଇଛନ୍ତି।
ଶ୍ରୀଲଙ୍କା ମିଲିଟାରୀ ଏକାଡେମୀରେ କାର୍ ରେସିଂ କାର୍ୟ୍ୟକ୍ରମ ଆୟୋଜିତ ହୋଇଥିଲା। ଏହି କାର୍ୟ୍ୟକ୍ରମରେ ପ୍ରାୟ ୪୫ ହଜାର ଲୋକଙ୍କ ଭିଡ଼ ଜମିଥିଲା।
ମାତ୍ର ରେସିଂ ଚାଲିଥିବା ବେଳେ ହଠାତ୍ ଏକ କାର୍ ଭାରସାମ୍ୟ ହରାଇ ଟ୍ରାକ୍ରୁ ବାହାରି ଲୋକଙ୍କ ଉପରେ ମାଡ଼ି ଯାଇଥିଲା। ଫଳରେ ଘଟଣାସ୍ଥଳରେ ୭ ଜଣଙ୍କ ମୃତ୍ୟୁ ହୋଇଛି। ସେମାନଙ୍କ ମଧ୍ୟରେ ଜଣେ ୮ ବର୍ଷର ଶିଶୁ ସମେତ କିଛି ଅଧିକାରୀ ଥିବା ଜଣାଯାଇଛି। ଏହି ଦୁର୍ଘଟଣାରେ ୨୦ ଜଣ ଗୁରୁତର ହୋଇଥିବା ବେଳେ ସେମାନଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି। ଏହି ଦୁର୍ଘଟଣା ପରେ ତୁରନ୍ତ ରେସିଂ କାର୍ୟ୍ୟକ୍ରମକୁ ବନ୍ଦ କରି ଦିଆଯାଇଛି। ପୁଲିସ୍ ଏହି ଘଟଣାର ତଦନ୍ତ ଆରମ୍ଭ କରିଛି।
Powered by Froala Editor