ଦିଲ୍ଲୀରେ 'ବିଶ୍ୱ ମାଙ୍ଗଲ୍ୟ ସଭା' କାର୍ଯ୍ୟକ୍ରମରେ ଯୋଗ ଦେଇ ରାଷ୍ଟ୍ରୀୟ ସ୍ୱୟଂସେବକ (ଆରଏସଏସ୍‌) ମୁଖ୍ୟ ମୋହନ ଭାଗବତ୍ ପରିବାର, ସଂସ୍କାର ଏବଂ ନୂଆ ପିଢିକୁ ନେଇ ନିଜର ବିଚାର ଉପସ୍ଥାପନ କରିଛନ୍ତି । 'ଆଜିର ଯୁବପିଢି ବିଭିନ୍ନ ପ୍ରସଙ୍ଗରେ ଅନେକ ପ୍ରଶ୍ନ କରୁଛନ୍ତି । ସେମାନଙ୍କ ପ୍ରତି କଥା ପଛରେ ଥିବା ତର୍କକୁ ବୁଝାଇବା ଉଚିତ୍ । ଆଲୋଚନା ଜରିଆରେ ହିଁ ନୂଆପିଢିଙ୍କୁ ଠିକ୍‌ ରାସ୍ତା ଦେଖାଇ ହେବ ବୋଲି କହିଛନ୍ତି ।'

ଭାଗବତ୍ କହିଛନ୍ତି ଯେ , '' ଆଜିର ପିଢି ଗୁରୁଜନଙ୍କ ବ୍ୟବହାରକୁ ଅତି ନିକଟରୁ ପରଖୁଛନ୍ତି । ଏଭଳିସ୍ଥିତିରେ ଯଦି ସମାଜରେ ଲୋକମାନେ ନିଜର କାମ ଦ୍ୱାରା ଭଲ ଏବଂ ପ୍ରମାଣିକ ଉଦାହରଣ ଉପସ୍ଥାପନ କରିବେ, ତେବେ ତାର ପ୍ରଭାବ ନୂଆ ପିଢି ଉପରେ ନିଶ୍ଚିତ ଭାବେ ପଡିବ । ନୂଆପିଢିଙ୍କୁ ଯେଉଁଠି ଭଲ ଏବଂ ବାସ୍ତବ ଉଦାହରଣ ମିଳେ ସେଠାରେ ସେମାନେ ସମାଜ ଲାଗି ନିଜ ଜୀବନକୁ ମଧ୍ୟ ଉତ୍ସର୍ଗ କରିଦେଇଥାନ୍ତି । ''

ସେହିପରି ଆଜିକାଲିର ଇଣ୍ଟରନେଟ୍ ପ୍ରଚାର ମାଧ୍ୟମ ଦ୍ୱାରା ଅନେକ ଭାବେ ପ୍ରଭାବିତ । ଏଭଳି ସ୍ଥିତିରେ ଯୁବଗୋଷ୍ଠୀଙ୍କୁ ଭ୍ରମ ଏବଂ ଦ୍ବନ୍ଦରୁ ବାହାର କରିବା ପାଇଁ ପ୍ରଚୁର ଭଲ ପାଇବା, ସମୟ ଦେବାର ଆବଶ୍ୟକତା ରହିଛି । ସେମାନଙ୍କୁ କେବଳ ଆଦେଶ ଦେଲେ ହେବନାହିଁ । ସେମାନଙ୍କ କଥା ଶୁଣିବାକୁ ପଡିବ ଯେପରିକି ସେମାନେ ଖୋଲାଖୋଲି ଭାବେ ନିଜର ମତ ଉପସ୍ଥାପନ କରିପାରିବେ । ''

Powered by Froala Editor