ଟ୍ରକ୍ ପଛରେ ପଶିଗଲା କାର୍ : ୭ ଜୀବନ୍ତ ଦଗ୍ଧ, ମୃତକ ମଧ୍ୟରେ ଅଛନ୍ତି ୨ ଶିଶୁ
ରାଜସ୍ଥାନର ସିକର ଜିଲ୍ଲାରେ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଜୟପୁର-ବିକାନେର ଜାତୀୟ ରାଜପଥରେ ଏକ ଦ୍ରୁତଗାମୀ କାର୍ ଆଗରେ ଯାଉଥିବା ଏକ ଟ୍ରକ୍ କୁ ଧକ୍କା ଦେଇଥିଲା। ଫଳରେ ଉଭୟ ଗାଡ଼ିରେ ଭୟାବହ ଅଗ୍ନିକାଣ୍ଡ ଘଟିଥିଲା। ଅଗ୍ନିକାଣ୍ଡରେ ଉଭୟ ଗାଡ଼ି ସମ୍ପୂର୍ଣ୍ଣ ଜଳି ଯାଇଥିଲା। ଉଭୟ ଗାଡିରେ ଥିବା ୭ ଜଣ ଜୀବନ୍ତ ଦଗ୍ଧ ହୋଇଛନ୍ତି । କାର୍ ରେ ଥିବା ବ୍ୟକ୍ତିମାନେ ଉତ୍ତରପ୍ରଦେଶର ବୋଲି ଜଣାପଡ଼ିଛି। ମୃତକଙ୍କ ମଧ୍ୟରେ ଦୁଇ ଜଣ ଶିଶୁ ମଧ୍ୟ ଥିଲେ।
ପୋଲିସର ସୂଚନାନୁସାରେ, ରବିବାର ଜୟପୁର-ବିକାନେର ଜାତୀୟ ରାଜପଥରେ ଫତେହପୁର ବାଇପାସ ନିକଟରେ ଏହି ଦୁର୍ଘଟଣା ଘଟିଛ। ଦ୍ରୁତ ଗତିରେ ଆସୁଥିବା ଏକ କାର୍ ଆଗକୁ ଯାଉଥିବା ଟ୍ରକ ପଛରେ ପଶିଯାଇଥିଲା। ଫଳରେ ବଡ଼ ଧରଣର ବିସ୍ଫୋରଣ ହୋଇଥିଲା ଏବଂ ଉଭୟ ଗାଡ଼ିରେ ନିଆଁ ଲାଗିଯାଇଥିଲା। କେହି କିଛି ବୁଝିବା ପୂର୍ବରୁ କାର୍ ଏବଂ ଟ୍ରକ୍ ଜଳିପୋଡ଼ି ଛାରଖାର ହୋଇଯାଇଛି।
Powered by Froala Editor
