ସୁନା ୬୫ ହଜାର ଟପିଲା
୬୦ ହଜାରରେ ସୁନା କିଣିବା ଲୋକଙ୍କ ପାଇଁ କଷ୍ଟକର ଥିଲା । ଏବେ ସୁନା ଦର ଆହୁରି ବଢିଛି । ୬୫ ପାର୍ କରିଛି ସୁନା ଦାମ୍ । ଗୁରୁବାର ମଲ୍ଟି କମଡିଟି ଏକ୍ସଚେଞ୍ଜ(ଏମସିଏକ୍ସ)ରେ ୧୦ଗ୍ରାମ ସୁନା ମୂଲ୍ୟ ୬୫,୨୯୮ ଟଙ୍କାକୁ ପହଞ୍ଚିଛି। ଏହା ଛଡା ରୂପା ଦରରେ ମଧ୍ୟ ବୃଦ୍ଧି ହୋଇଛି। ରୂପା ଦର ୦.୦୭ ପ୍ରତିଶତ ବଢି ପ୍ରତି କେଜି ପିଛା ୭୪,୧୯୦ ଟଙ୍କାକୁ ପହଞ୍ଚିଯାଇଛି।
ଅନ୍ତର୍ଜାତୀୟ ମାର୍କେଟକୁ ତୁଳନା କଲେ ଏଠାରେ ମଧ୍ୟ ସୁନା ଦର ବୃଦ୍ଧି ହୋଇଛି। ହାଜିର ବଜାରରେ ପ୍ରତି ଆଉନ୍ସ ସୁନା ମୂଲ୍ୟ ୨,୧୫୦ ଡଲାର ଆଖପାଖରେ କାରବାର ହେଉଛି। ଏଥିରେ କମେକ୍ସରେ ସୁନାର ଗ୍ଲୋବାଲ ଦର ୦.୨୫ ପ୍ରତିଶତ ଅଥବା ୫,୪୦ ଡଲାର ବୃଦ୍ଧି ସହିତ ଆଉନ୍ସ ପିଛା ୨,୧୬୩.୬୦ ଡଲାରରେ କାରବାର ହେଉଛି।
ଏଣୁ ଏମସିଏକ୍ସରେ ଗୁରୁବାର କାରବାର ଆରମ୍ଭ କାଳରେ ସୁନା ପ୍ରତି ୧୦ ଗ୍ରାମ ଦର ୬୫,୨୦୫ଟଙ୍କାରେ ଖୋଲିଥିବା ବେଳେ ୬୫,୨୯୮ ଟଙ୍କାର ଇଣ୍ଟ୍ରାଡେ ହାଇକୁ ଛୁଇଁଛି।
Powered by Froala Editor
