ନୂଆଦିଲ୍ଲୀ: ଆଫଗାନିସ୍ତାନରେ ଏକ ବଡ ଧରଣର ବିମାନ ଦୁର୍ଘଟଣା ହୋଇଛି । ଆଫଗାନ ଗଣମାଧ୍ୟମର ରିପୋର୍ଟ ମୁତାବକ ବିମାନଟି ଶନିବାର ରାତିରେ ବଦଶୁଖର ଜେବକ ଜିଲ୍ଲାର ଏକ ପାହାଡ ସହ ଧକ୍କା ହୋଇଥିଲା । ପ୍ରଥମେ ଏହା ଭାରତୀୟ ବିମାନ ବୋଲି କୁହାଯାଉଥିବା ବେଳେ ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ଏହା ଭାରତର ନୁହେଁ ବୋଲି ସ୍ପଷ୍ଟ କରିଛି । ଘଟଣାସ୍ଥଳକୁ ଉଦ୍ଧାରକାରୀ ଟିମ୍‌ ପହଞ୍ଚିଛି ବୋଲି ଆଫଗାନିସ୍ତାନ ସରକାର ସୂଚନା ଦେଇଛନ୍ତି। ତେବେ ଏହି ଦୁର୍ଘଟଣାରେ କେତେ ଜଣ ଯାତ୍ରୀ ମୃତାହତ ହୋଇଛନ୍ତି ସେ ନେଇ କିଛି ସୂଚନା ମିଳିନାହିଁ।

ବେସାମରିକ ବିମାନ ଚଳାଚଳ ମନ୍ତ୍ରଣାଳୟ ସୂତ୍ର ସୂଚନା ମୁତାବକ ଏହା ଭାରତୀୟ ବିମାନ ନୁହେଁ କି ଭାରତର କୌଣସି ଚାଟାର୍ଡ ବିମାନ ମଧ୍ୟ ନୁହେଁ । ଏହା ପୂର୍ବରୁ ଆଫଗାନିସ୍ତାନ ଗଣମାଧ୍ୟମ ପ୍ରଚାର କରିଥିଲା କି, ଏହା ଭାରତୀୟ ବିମାନ ବୋଲି ।

ବଦଶୁଖ ସୂଚନା ଓ ସଂସ୍କୃତି ମନ୍ତ୍ରଣାଳୟ ପ୍ରମୁଖ ଜବିହୁଲ୍ଲାହ ଅମିର କହିଛନ୍ତି କି ବଦଶୁଖ ଅଞ୍ଚଳରେ ଥିବା କୁରାନ-ମୁଞ୍ଜନ ଓ ଜେବକ ଜିଲଊ୍ଲା ସହ ଜଡିତ ତୋପଖାନା ପାହାଡରେ ଏହି ଯାତ୍ରୀବାହୀ ବିମାନଟି ଦୁର୍ଘଟଣାଗ୍ରସ୍ତ ହୋଇଛି । ସେପଟେ ସ୍ଥାନୀୟ ଲୋକଙ୍କ କହିବା ମୁତାବକ ରବିବାର ସକାଳେ ବିମାନଟି ଦୁର୍ଘଟଣାଗ୍ରସ୍ତ ହୋଇଛି ।

ଅନ୍ୟପଟେ ଏହି ଘଟଣାରେ ଋଷ ବିମାନ ଚଳାଚଳ କର୍ତ୍ତୃପକ୍ଷ କହିଛନ୍ତି ଯେ ବିମାନରେ ଥିବା ୬ ଜଣଙ୍କ ସହଋଷର ଏକ ପଞ୍ଜୀକୃତ ବିମାନ ଶନିବାର ସନ୍ଧ୍ୟାରେ ଆଫଗାନିସ୍ତାନ ଉପରେ ରାଡାର ସ୍କ୍ରିନରୁ ଅଦୃଶ୍ୟ ହୋଇଯାଇଛି। ଏହି ବିମାନଟି ଫ୍ରାନ୍ସରେ ନିର୍ମିତ ଡାସଲ୍ଟ ଫାଲକନ୍ ୧୦ ଜେଟ୍ ଥିଲା। ଏହି ବିମାନଟି ଭାରତରୁ ଉଜବେକିସ୍ତାନ ଦେଇ ମସ୍କୋ ଅଭିମୁଖେ ଯାତ୍ରା କରୁଥିବା ଏକ ଚାର୍ଟର ବିମାନ ଥିଲା ବୋଲି ରଏଟର୍ସ ରିପୋର୍ଟ କରିଛି।

Powered by Froala Editor