ବସରେ ଜୀଅନ୍ତା ଜଳିଗଲେ ମହିଳା
![ବସରେ ଜୀଅନ୍ତା ଜଳିଗଲେ ମହିଳା](https://odishanewslens.com/news_gallery/27289_1705175114.jpg)
ଚିତ୍ତୁର ଯାଉଥିବା ଏକ ଘରୋଇ ବସ୍ରେ ନିଆଁ ଲାଗିଯାଇଛି। ଫଳରେ ଏଥିରେ ଜଣେ ମହିଳା ଯାତ୍ରୀ ଜୀବନ୍ତ ଦଗ୍ଧ ହୋଇଥିବା ବେଳେ ଅନ୍ୟ ୪ ଜଣ ଯାତ୍ରୀ ଆହତ ହୋଇଛନ୍ତି। ହାଇଦ୍ରାବାଦ-ବେଙ୍ଗାଲୁରୁ ଜାତୀୟ ରାଜପଥର ଏର୍ରାବଲ୍ଲି ଛକରେ ଏହି ଦୁର୍ଘଟଣା ଘଟିଛି।
ଚାଳକଙ୍କୁ ନିଦ ଲାଗିବାରୁ ସେ ନିୟନ୍ତ୍ରଣ ହରାଇଥିଲେ। ଏହା ପରେ ବସଟି ଓଲଟି ପଡ଼ିଥିଲା। ଅନ୍ୟ ଯାତ୍ରୀମାନେ ବସ ବାହାରକୁ ଆସିବାରେ ସକ୍ଷମ ହୋଇଥିଲେ ବି ଜଣେ ମହିଳାଙ୍କ ହାତ ଫସିଯିବାରୁ ସେ ବାହାରକୁ ଆସିପାରିନଥିଲେ। ଏହା ଫଳରେ ବସରେ ଲାଗିଥିବା ନିଆଁରେ ପୋଡ଼ି ହୋଇ ତାଙ୍କର ମୃତ୍ୟୁ ହୋଇଥିବା ସାମ୍ନାକୁ ଆସିଛି।
ପୁଲିସର କହିବା ମୁତାବକ, ଶନିବାର ଭୋର ୩ଟାରେ ଜଗନ୍ ଆମାଜନ ଟ୍ରାଭେଲ ବସ୍ ହାଇଦ୍ରାବାଦରୁ ଚିତ୍ତୁର ଯାତ୍ରା କରୁଥିଲା। ଏହି ସମୟରେ ଡ୍ରାଇଭର ଶୋଇପଡିବାରୁ ବସ୍ ଓଲଟି ପଡିଥିଲା। ବସ ଓଲଟିବା ପରେ ଯାତ୍ରୀମାନେ ତୁରନ୍ତ ବସରୁ ଓହ୍ଲାଇ ପଡ଼ିଥିଲେ। ଜଣେ ମହିଳାଙ୍କ ହାତ ବସ ଭିତରେ ଫସି ଯାଇଥିବାରୁ ସେ ତଳକୁ ଓହ୍ଲାଇ ପାରିନଥିଲେ। ଏହା ଫଳରେ ବସରେ ନିଆଁ ଲାଗି ତାଙ୍କର ମୃତ୍ୟୁ ହୋଇଥିଲା। ମୃତ୍ୟୁ ହୋଇଥିବା ମହିଳାଙ୍କୁ ଏପର୍ଯ୍ୟନ୍ତ ଚିହ୍ନଟ କରାଯାଇପାରି ନାହିଁ।
Powered by Froala Editor