ମାଲଦ୍ୱୀପ ସରକାର ରବିବାର ପ୍ରଧାନମନ୍ତ୍ରୀ ମୋଦି ଏବଂ ଭାରତ ଉପରେ ଅପମାନଜନକ ପୋଷ୍ଟ କରିଥିବାରୁ ତିନିଜଣ ମନ୍ତ୍ରୀଙ୍କୁ ନିଲମ୍ବିତ କରିଛନ୍ତି। ଭାରତୀୟ ଟ୍ରାଭେଲ କମ୍ପାନୀମାନେ ଏବେ ମାଳଦ୍ୱୀପର ବୁକିଂ ବାତିଲ କରୁଛନ୍ତି ଏବଂ ପର୍ଯ୍ୟଟକମାନଙ୍କୁ ଲାକ୍ଷାଦ୍ୱୀପ ଯିବାକୁ ପ୍ରେରଣା ଦେଉଛନ୍ତି । ଏଥିପାଇଁ ଟ୍ରାଭେଲ୍ କଂପାନିଗୁଡ଼ିକ ଲାକ୍ଷାଦ୍ୱୀପ ଯିବା ପାଇଁ ସ୍ୱତନ୍ତ୍ର ପ୍ୟାକେଜ୍ ମଧ୍ୟ ଆରମ୍ଭ କରିଛନ୍ତି।

ଅନ୍ୟପଟେ ବଲିଉଡର ଅନେକ କଳାକାର ମଧ୍ୟ ପ୍ରଧାନମନ୍ତ୍ରୀଙ୍କ ସମର୍ଥନ କରି ଲାକ୍ଷାଦ୍ବୀପ ଯିବାକୁ ଲେଖି ସୋସିଆଲ ମିଡିଆରେ ପୋଷ୍ଟ କରୁଥିବା ଦେଖାଯାଇଛି। ସୁପରଷ୍ଟାର ରଣବୀର ସିଂହ ମଧ୍ୟ ଲାକ୍ଷାଦ୍ବୀପର ପ୍ରଚାର କରିଥିବା ଦେଖାଯାଇଛି। ହେଲେ ପ୍ରଚାର କରିବା ସମୟରେ ସେ ଯେଉଁ ଭୁଲ୍ କରିଥିଲେ, ତାକୁ ନେଇ ଏବେ ତାଙ୍କୁ ଟ୍ରୋଲ କରାଯାଇଛି। ଲାକ୍ଷାଦ୍ବୀପର ପ୍ରଶଂସା କରି ରଣବୀର ମାଳଦ୍ବୀପର ଫଟୋ ପୋଷ୍ଟ କରିଥିଲେ, ଯେଉଁଥିପାଇଁ ତାଙ୍କୁ ଟ୍ରୋଲ କରାଯାଉଛି। ଟ୍ରୋଲ କରାଯିବା ପରେ ସେ ପୋଷ୍ଟକୁ ଡିଲିଟ୍ କରି ଆଉ ଏକ ନୂଆ ପୋଷ୍ଟ କରିଥିଲେ, ଯେଉଁଥିରେ କେବଳ ଲେଖା ରହିଥିଲା।

ରଣବୀର ଏକ୍ସରେ ପୋଷ୍ଟ କରି ଲେଖିଥିଲେ ଯେ, 'ଚାଲନ୍ତୁ ଏହି ବର୍ଷ ଆମେ ଭାରତରେ ଥିବା ବିଭିନ୍ନ ସ୍ଥାନ ବୁଲିବା ଏବଂ ଆମ ସଂସ୍କୃତି ବିଷୟରେ ଅଧିକ ଜାଣିବା। ସମୁଦ୍ର କୂଳ ଏବଂ ଆମ ଦେଶର ସୌନ୍ଦର୍ଯ୍ୟକୁ ଦେଖିବା ପାଇଁ ବହୁତ କିଛି ଅଛି। ଚାଲ, ଭାରତ ଦେଖିବା।' ସବୁ ଠିକ୍ ଥିଲା । ହେଲେ ଫଟୋ ଭୁଲ୍ ପୋଷ୍ଟ କରି ସେ ଟ୍ରୋଲ ହୋଇଛନ୍ତି ।

Powered by Froala Editor