ଚାଲାଣ ବେଳେ କଲରାପତରିଆ ବାଘ ଚମଡ଼ା ଜବତ
କଲରାପତରିଆ ବାଘ ଚମଡ଼ା ଚାଲାଣ ବେଳେ ଫୁଲବାଣୀ ବନଖଣ୍ଡ ଅଧୀନ ସୁଡୁକୁମ୍ଫା ରେଞ୍ଜର ଓ ବନ କର୍ମଚାରୀମାନେ ଜବତ କରିଛନ୍ତି । ଚୋରା କାରବାରରେ ସମ୍ପୃକ୍ତ ଜଣଙ୍କୁ ଗିରଫ କରାଯାଇଛି । ଗିରଫ ଅଭିଯୁକ୍ତ ଜଣଙ୍କ କୁଟିକାରୀ ଗ୍ରାମର କବିଚନ୍ଦ୍ର କହଁର ।
କବି ଏକ କଲରାପତରିଆ ବାଘ ଚମଡ଼ାକୁ ଚାଲାଣ କରିବାକୁ ଯୋଜନା କରୁଥିବା ବେଳେ କୌଣସି ସୂତ୍ରରୁ ଖବର ପାଇଥିଲା ବନ ବିଭାଗ । ସୁଡ଼ରୁକୁମ୍ଫା ଜଙ୍ଗଲରୁ ହିଁ କବି ଏହି କଲରାପତିରିଆ ବାଘକୁ ଏପ୍ରିଲ ୧୯ରେ ମାରି ତାର ଛାଲକୁ ବିକ୍ରି କରିବା ଯୋଜନା କରିଥିଲା । ବନ କର୍ମଚାରୀମାନେ ଚଢ଼ଉ କରି ବାଘ ଛାଲ ଜବତ କରିବା ସହ ୧୩/୨୧ରେ ମାମଲା ରୁଜୁ କରି କବିଙ୍କୁ ଗିରଫ କରିଛି । କବି ଘରୁ ବନବିଭାଗ କୁରାଢି, ଗନ୍ ପାଉଡ଼ର, ଓ ୯ଟି ଗୁଳି ଜବତ କରିଛି । ଅନ୍ୟତ୍ର ଲୁଚାଇ ରଖିଥିବା ଏକ ଦେଶୀ ବନ୍ଧୁକ ମଧ୍ୟ ଜବତ କରିଛି ବନବିଭାଗ ।
Powered by Froala Editor
