ୟୁଟ୍ୟୁବ ଇନଫ୍ଲୁଏନ୍ସର କାମ୍ୟା ଜାନି ଓ 5T ଅଧ୍ୟକ୍ଷ ଭି.କେ. ପାଣ୍ଡିଆନଙ୍କ ଭିଡ଼ିଓକୁ ନେଇ ବଢୁଛି ବିବାଦ । ଭି.କେ. ପାଣ୍ଡିଆନ ଏବଂ କାମ୍ୟାଙ୍କ ଗିରଫଦାରୀ ଦାବି କରିଛି ବିଜେପି । ଗୋ ମାଂସ ଭକ୍ଷଣ ପାଇଁ ସୋସିଆଲ ମିଡିଆରେ ପ୍ରବର୍ତ୍ତାଇଥିବା କାମ୍ୟାଙ୍କୁ ପାଣ୍ଡିଆନ ଶ୍ରୀ ମନ୍ଦିରକୁ ନେଇ ଭିଡିଓ କରିବା କୋଟି କୋଟି ଜଗନ୍ନାଥ ପ୍ରେମୀଙ୍କ ଆସ୍ଥା ଉପରେ ଆଘାତ କରିଛି ।

କୌଣସି ଗୋ ମାଂସ ଖାଉଥିବା ବା ଖାଇବା ପାଇଁ ପ୍ରମୋସନ କରୁଥିବା ବ୍ୟକ୍ତି ଶ୍ରୀ ମନ୍ଦିରକୁ ଯାଇପାରିବେ ନାହିଁ । ତେଣୁ ଭି.କେ.ପାଣ୍ଡିଆନ କାମ୍ୟାଙ୍କୁ ମନ୍ଦିରକୁ ନେଇ ଗର୍ହିତ ଅପରାଧ କରିଛନ୍ତି । ହିନ୍ଦୁଙ୍କ ଧାର୍ମିକ ଭାବନା ଉପରେ ଆଘାତ କରିଛନ୍ତି ପାଣ୍ଡିଆନ ଏବଂ କାମ୍ୟା । ତେଣୁ IPC Section 295 A ଧାରା ଅନୁସାରେ ଭି.କେ. ପାଣ୍ଡିଆନ ଏବଂ କାମ୍ୟାଙ୍କ ଉପରେ ମନ୍ଦିର ପ୍ରଶାସନ କେସ କରି ତୁରନ୍ତ ଗିରଫ କରିବାକୁ ଦାବି କରିଛି ବିଜେପି । 

ଏହାସହ "ଶ୍ରୀମନ୍ଦିର ପରିସରରେ ଭିଡ଼ିଓ କରି ଗଣମାଧ୍ୟମରେ ପ୍ରସାରିତ କରାଯାଇଛି ବୋଲି ଅଭିଯୋଗ କରିଛି ବିଜେପି । ମନ୍ଦିର ଭିତରକୁ କ୍ୟାମେରା ନେଇ ସୁଟିଂ କରି ଶ୍ରୀ ଜଗନ୍ନାଥ ମନ୍ଦିର ଆଇନର ଉଲଂଘନ ହୋଇଛି । ଯେଉଁମାନେ ଏଥିରେ ସଂପୃକ୍ତ ସେମାନଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କରିଛି ଦଳ । ଶ୍ରୀ ମନ୍ଦିର ପ୍ରଶାସନ ମଧ୍ୟ କ୍ଷମା ପ୍ରାର୍ଥନା କରନ୍ତୁ । ଏହାସହ ଶଙ୍କରାଚାର୍ଯ୍ୟଙ୍କ ପରାମର୍ଶ ନେଇ ମନ୍ଦିର ଶୁଦ୍ଧି କରାଯାଉ । ନଚେତ୍ ବିଜେପି କୋର୍ଟଙ୍କ ଦ୍ବାରସ୍ଥ ହେବ ହୋଲି ଚେତାବନୀ ଦେଇଛି ବିଜେପି । 

Powered by Froala Editor