ଇତିହାସରେ ପ୍ରଥମ : ଉଭୟ ଗୃହରୁ ୯୨ ସାଂସଦ ନିଲମ୍ବିତ
![ଇତିହାସରେ ପ୍ରଥମ : ଉଭୟ ଗୃହରୁ ୯୨ ସାଂସଦ ନିଲମ୍ବିତ](https://odishanewslens.com/news_gallery/26675_1702929193.jpg)
ପାର୍ଲାମେଂଟ ଇତିହାସରେ ପ୍ରଥମ । ଲୋକସଭାରୁ ୩୩ ଓ ରାଜ୍ୟସଭାରୁ ୪୫ ସାଂସଦ ନିଲମ୍ବିତ ହୋଇଛନ୍ତି । ଲଗାତାର ଭାବେ କଂଗ୍ରେସ ସାଂସଦମାନେ ଗୃହରେ ହଟ୍ଟଗୋଳ କରିବାରୁ ତିନି ଥର ଗୃହ ମୁଲତବୀ ରହିଥିଲା। ଶେଷରେ ୪୫ ଜଣ ସାଂସଦଙ୍କୁ ନିଲମ୍ବନ କରିଛନ୍ତି ରାଜ୍ୟସଭା ଅଧ୍ୟକ୍ଷ ଜଗଦୀଶ ଧଡଖଡ। ପୂର୍ବରୁ ଲୋକସଭାରୁ ୩୩ ଜଣ ସାଂସଦ ନିଲମ୍ବିତ ହୋଇଥିଲେ।
ଏହାକୁ ମିଶାଇ ମୋଟ ୯୨ ସାସଂଦ ନିଲମ୍ବିତ ହେଲେଣି । ଲୋକସଭାର ୩୩ଜଣ ସାଂସଦ ଶୀତ ଅଧିବେଶନରେ ଆଉ ଅଂଶଗ୍ରହଣ କରିପାରିବେନି । ରାଜ୍ୟସଭାର ୪୫ ଜଣ ସଦସ୍ୟଙ୍କ ମଧ୍ୟରୁ ୩୪ ଜଣଙ୍କୁ ସଂସଦର ଶୀତ ଅଧିବେଶନରୁ ନିଲମ୍ବିତ କରାଯାଇଥିବାବେଳେ ୧୧ ଜଣଙ୍କ ସଂପର୍କରେ ନିଷ୍ପତି ସଂସଦର ସ୍ୱାଧୀକାର କମିଟି ଉପରେ ଛଡା ଯାଇଛି ।
ପୂର୍ବରୁ ଗତ ୧୪ ତାରିଖରେ ୧୪ ସାଂସଦଙ୍କୁ ନିଲମ୍ବିତ କରାଯାଇଥିଲା । ଲୋକସଭାରୁ ୧୩ ଓ ରାଜ୍ୟସଭାରୁ ଜଣେ ସାଂସଦ ନିଲମ୍ବିତ ହୋଇଥିଲେ । ଆଜିର ନିଲମ୍ବନକୁ ମିଶାଇ ମୋଟ୍ ୯୨ ସାଂସଦ ନିଲମ୍ବିତ ହୋଇଛନ୍ତି।
ଗୃହରେ ହଟ୍ଟଗୋଳ ସମୟରେ ରାଜ୍ୟସଭା ଅଧ୍ୟକ୍ଷ ଜଗଦିଶ ଧନଖଡ ସାଂସଦମାନେ ଗୃହର ନିୟମ ଅନୁଯୟୀ ଆଚରଣ କରିବା ଉଚିତ୍ ବୋଲି କହିଥିଲେ। ଏଥିସହ ସାଂସଦମାନେ ନିଜକୁ ଦଙ୍ଗାକାରୀ କରନ୍ତୁ ନାହିଁ ବୋଲି ଅଧ୍ୟକ୍ଷ କହିଥିଲେ।
ସାଂସଦଙ୍କ ନିଲମ୍ବନ ପରେ କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ ବିଜେପି ସରକାର ଉପରେ ପ୍ରବଳ ବର୍ଷିଛନ୍ତି। ସେ ଏକ୍ସ ପୋଷ୍ଟରେ କହିଛନ୍ତି, ପ୍ରଥମେ ଅନୁପ୍ରବେଶକାରୀମାନେ ସଂସଦ ଉପରେ ଆକ୍ରମଣ କରିଥିଲେ। ତା’ପରେ ସଂସଦ ଏବଂ ଗଣତନ୍ତ୍ର ଉପରେ ମୋଦି ସରକାର ଆକ୍ରମଣ କରୁଛନ୍ତି। ଆମର ଦୁଇଟି ସରଳ ଏବଂ ଯଥାର୍ଥ ଦାବି ଥିଲା - ପ୍ରଥମ, ସଂସଦର ସୁରକ୍ଷା ତ୍ରୁଟିରେ କେନ୍ଦ୍ର ଗୃହମନ୍ତ୍ରୀ ସଂସଦର ଉଭୟ ଗୃହରେ ଏକ ବିବୃତ୍ତି ରଖିବା ଉଚିତ୍।
Powered by Froala Editor