ପ୍ରକୃତିର ଉପହାର ପ୍ରଧାନପାଟର ସବୁଜିମା ପରିବେଶ
ପ୍ରକୃତିର ଉପହାର ସ୍ୱରୂପ ହେଉଛି ଦେବଗଡ ଜିଲ୍ଲାର ପ୍ରଧାନପାଟ ଜଳପ୍ରପାତ । ଦେବଗଡ ସହରରୁ ମାତ୍ର ଦେଢ କିଲୋମିଟର ଦୂରରେ ଅବସ୍ଥିତ ଏହି ପର୍ୟ୍ୟଟନସ୍ଥଳକୁ ବର୍ଷସାରା ଲୋକଙ୍କ ସୁଅ ଛୁଟିଥାଏ । ପ୍ରଧାନପାଟର ସବୁଜିମା ପରିବେଶ ଏବଂ ବିଭିନ୍ନ ପ୍ରଜାତିର ପକ୍ଷୀଙ୍କ କଳରବ ପ୍ରକୃତିପ୍ରେମୀଙ୍କୁ ନିଆରା ଆନନ୍ଦ ଦେଇଥାଏ । ଶାଳଗଛ ଘେରା ଜଙ୍ଗଲ ଭିତରେ ରହିଛି ମା’ ପ୍ରଧାନଦେବୀଙ୍କ ମନ୍ଦିର ଓ ବଣଭୋଜୀ ସ୍ଥାନ । ପର୍ୟ୍ୟଟକଙ୍କ୍ ରହଣି ପାଇଁ ରହିଛି ଡାକବଙ୍ଗଳା ଓ ଲଳିତ ବସନ୍ତ ଏବଂ ପୌର ପରିଷଦ ଦ୍ୱାରା ପରିଚାଳିତ ଅତିଥି ନିବାସ । ଏହାଛଡା ଏଠାରେ ରହିଛି ଚମ୍ପକେଶ୍ୱର ଶିବ ମନ୍ଦିର, ଶିରିଡି ସାଇ ମନ୍ଦିର ଓ ଗିରି ଗୋବର୍ଦ୍ଧନ ମନ୍ଦିର ।
Powered by Froala Editor
