ଚାଷୀ ହେଲେ ନିରାଶ, ଫିଙ୍ଗିଲେ ଟମାଟୋ
ଭୁବନେଶ୍ୱର : ଗତ କିଛିଦିନ ପ୍ୱର୍ବରୁ ଟମାଟୋ ଦର ଏପରି ଭାବେ ବଢିଚାଲିଥିଲା ଯେ ସାଧାରଣ ଲୋକଙ୍କ କ୍ଷେତ୍ରରେ ଏହା କିଣିବା କଷ୍ଟକର ହୋଇପଡିଥିଲା । ଦେଶର ପ୍ରାୟ ସମସ୍ତ ରାଜ୍ୟରେ ଟମାଟୋ କିଲୋପିଛା ୨୦୦ରୁ ୨୨୦ ଟଙ୍କାରେ ବିକ୍ରି ହେଉଥିଲା । କିନ୍ତୁ ଏବେ ଏହାର ଦରରେ ବଡ ଧରଣର ପରିବର୍ତ୍ତନ ଆସିଛି । ଅନେକ ସ୍ଥାନରେ ଟମାଟୋ ଖୁବ୍ କମରେ ବିକ୍ରି ହେଉଛି । ଆନ୍ଧ୍ରପ୍ରଦେଶର କୁରୁନଲ ଅଂଚଳରେ ଟମାଟୋର ଦର କିଲୋ ପିଛା ୨୦୦ରୁ ୪ ଟଙ୍କାକୁ ଖସିଆସିଛି । ଟମାଟୋର ଦରରେ ଏପରି ହ୍ରାସରେ ଚାଷୀମାନେ ନିରାଶ ହୋଇ ରାସ୍ତାରେ ଫିଙ୍ଗୁ ଥିବାର ଦେଖିବାକୁ ମିଳୁଛି । ଟମଟୋର ଏପରି ମୂଲ୍ୟହ୍ରାସ ଯୋଗୁଁ ପରିଶ୍ରମ ଓ ବ୍ୟବସାୟ କେନ୍ଦ୍ରକୁ ନେବାକୁ ନେବା ଆଣିବା ଖର୍ଚ୍ଚ ଉଠୁନଥିବାରୁ ରାସ୍ତାରେ ଫିଙ୍ଗି ଦେଇ ଚାଲିଯିବାକୁ ବାଧ୍ୟ ହେଇଛନ୍ତି । ରାଜ୍ୟରେ ଟମାଟୋ କିଲୋ ପ୍ରତି ୨୦ ରୁ ୨୫ଟଙ୍କା ରହିଛି । କିଛିମାସ ଆଗରୁ ଦେଶର ବିଭିନ୍ନ ସ୍ଥାନରେ କିଛି ଚାଷୀ ଟମାଟୋ ବିକ୍ରି କରି କୋଟିପତି ହେବାର ଖବର ଚର୍ଚ୍ଚାରେ ରହିଥିଲା । କିନ୍ତୁ ଏବେ ବଜାରକୁ ବିପୁଳ ପରିମାଣରେ ଟମାଟୋ ଆସୁଥିବାରୁ ଏହାର ଦରବୃଦ୍ଧିରେ ହ୍ରାସ ଘଟୁଥିବାର ସୂଚନା ମିଳୁଛି ।
Powered by Froala Editor
