କଟକ: ଅକ୍ଟୋବର ୪  ରୁ ୭ ତାରିଖ ପର୍ୟ୍ୟନ୍ତ ଦଶମ ଶ୍ରେଣୀ  ଷାଣ୍ମାସିକ ବା ଅର୍ଦ୍ଧବାର୍ଷିକ ପରୀକ୍ଷା ହେବ । ଏଥିଲାଗି ମାଧ୍ୟମିକ ଶିକ୍ଷା  ପରିଷଦ (ବୋର୍ଡ) କାର୍ୟ୍ୟାଳୟ ପକ୍ଷରୁ  ଗୁରୁବାର ବିଜ୍ଞପ୍ତି ପ୍ରକାଶ ପାଇଛି । ଦିନ  ୧୦ଟାରୁ ୧୨ ଟା ୩୦ ଯାଏ ପ୍ରଥମ ସିଟିଂ ପରୀକ୍ଷା ରହିଥିବା ବେଳେ ଅପରାହ୍ନ  ସାଢ଼େ ୧ ଟାରୁ ୪ଟା ଯାଏ ଦ୍ୱିତୀୟ  ସିଟିଂ ପରୀକ୍ଷା ହେବା ଲାଗି ସମୟ  ନିର୍ଘଣ୍ଟ ଜାରି କରାଯାଇଛି । ପ୍ରଥମ ଦିନ  ପରୀକ୍ଷା ପ୍ରଥମ ସିଟିଂରେ ଓଡ଼ିଆ ଭାଷା  ଏବଂ ଦ୍ୱିତୀୟ ସିଟିଂରେ ଇଂରାଜୀ ବିଷୟ  ରହିଛି । ୫ ତାରିଖରେ ଗଣିତ, ୬ରେ  ବିଜ୍ଞାନ ପରୀକ୍ଷା ହେବ । ୭ ତାରିଖ  ପ୍ରଥମ ସିଟିଂରେ ସାମାଜିକ ବିଜ୍ଞାନ ଏବଂ  ଦ୍ୱିତୀୟ ସିଟିଂରେ ତୃତୀୟ ଭାଷା ହିନ୍ଦୀ/ ସଂସ୍କୃତ ପରୀକ୍ଷା ହେବ । 

ସୂଚନାଯୋଗ୍ୟ,  ଚଳିତ ମାସ ୧୩ରୁ ୧୬ ତାରିଖ ପର୍ୟ୍ୟନ୍ତ  ଦଶମ ଶ୍ରେଣୀ ଛାତ୍ରଛାତ୍ରୀଙ୍କର ଷାଣ୍ମାସିକ  ପରୀକ୍ଷା ହେବ ବୋଲି ପୂର୍ବରୁ ସମୟ ନିର୍ଘଣ୍ଟ ଜାରି କରାଯାଇଥିଲା । ମାତ୍ର  ଚଳିତ ଶିକ୍ଷାବର୍ଷର ସିଲାବସ୍‌ ଅନୁସାରେ  ଅନେକ ବିଦ୍ୟାଳୟରେ ପାଠପଢ଼ା  ଶେଷ ହୋଇ ନଥିବାରୁ ୫ ଲକ୍ଷରୁ  ଅଧିକ ଛାତ୍ରଛାତ୍ରୀ ମାନସିକ ଚାପରେ  ରହିଥିଲେ । ପରୀକ୍ଷା ଘୁଞ୍ଚାଇବାକୁ  ଶିକ୍ଷକ ସଂଘ ସମେତ ଅଭିଭାବକଙ୍କ  ପକ୍ଷରୁ ଦାବି କରାଯାଇଥିଲା ।

Powered by Froala Editor