କଂଗ୍ରେସର ନୂଆ କାର୍ୟ୍ୟକାରୀ କମିଟି ଘୋଷଣା
![କଂଗ୍ରେସର ନୂଆ କାର୍ୟ୍ୟକାରୀ କମିଟି ଘୋଷଣା](https://odishanewslens.com/news_gallery/23759_1692678225.png)
୨୦୨୪ ନିର୍ବାଚନ ପୂର୍ବରୁ କଂଗ୍ରେସ ଏହାର କାର୍ୟ୍ୟକାରୀ କମିଟି ଘୋଷଣା କରିଛି। କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେ କାର୍ୟ୍ୟକାରୀ କମିଟିର ପୁନର୍ଗଠନ କରିଛନ୍ତି। ମଲ୍ଲିକାର୍ଜୁନ ଖଡଗେଙ୍କ ବ୍ୟତୀତ ସୋନିଆ ଗାନ୍ଧୀ, ମନମୋହନ ସିଂ, ରାହୁଲ ଗାନ୍ଧୀ, ଅଧୀର ରଞ୍ଜନ ଚୌଧୁରୀ, ଏ.କେ ଆଣ୍ଟୋନି, ଅମ୍ବିକା ସୋନୀ, ମୀରା କୁମାର ଓ ଦିଗବିଜୟ ସିଂଙ୍କ ନାମ ରହିଥିବା ବେଳେ ନୂଆ କମିଟିରେ ସଚିନ ପାଇଲଟ, ଶଶି ଥରୁର୍, ଅଶୋକ ଚୌହାନ, ଦୀପକ ବାବାରିଆଙ୍କୁ ପ୍ରଥମଥର ପାଇଁ ସ୍ଥାନ ମିଳିଛି । ଗୌରବ ଗୋଗଇ, ନାସିର ହୁସେନ, ଦୀପା ଦାସ ମୁନସୀଙ୍କୁ ବି କାର୍ୟ୍ୟକାରୀ କମିଟିରେ ସାମିଲ କରାଯାଇଛି । ବିଶେଷ ଆମନ୍ତ୍ରିତ ସଦସ୍ୟ ଭାବେ ପୱନ ଖେଡା, ସୁପ୍ରିୟା ଶ୍ରୀନେତ ଓ ଅଳକା ଲାମ୍ବାଙ୍କୁ ସାମିଲ କରାଯାଇଛି ।
କଂଗ୍ରେସ ପକ୍ଷରୁ ପ୍ରକାଶ ପାଇଥିବା ନୂଆ କାର୍ୟ୍ୟକାରୀ କମିଟି ତାଲିକାରୁ ଦେଖାଯାଉଛି ଯେ ପୁରୁଣା କମିଟି ଓ ନୂଆ କମିଟି ମଧ୍ୟରେ ବିଶେଷ କିଛି ପରିବର୍ତ୍ତନ କରାଯାଇନାହିଁ । ଆଗାମୀ ବିଧାନସଭା ଓ ଲୋକସଭା ନିର୍ବାଚନକୁ ଦୃଷ୍ଟିରେ ରଖି କଂଗ୍ରେସ ତାର ନୂଆ ଟିମ୍ ଘୋଷଣା କରିଛି । ଏହି ତାଲିକାରେ ମୋଟ ୩୯ ଜଣ ନେତାଙ୍କୁ ସାମିଲ କରାଯାଇଛି । କଂଗ୍ରେସର ଏହି କାର୍ୟ୍ୟକାରୀ କମିଟିକୁ ଦୀର୍ଘଦିନ ହେବ ଅପେକ୍ଷା କରାଯାଇଥିଲା । କାରଣର ବିଭିନ୍ନ ପ୍ରସଙ୍ଗରେ ନିଷ୍ପତ୍ତି ନେବାକୁ ଏହି କମିଟି କାର୍ୟ୍ୟକରେ।
Powered by Froala Editor