ବ୍ରାଉନସୁଗର ଜବତ, ୨ ଗିରଫ
ଭୁବନେଶ୍ୱର: ଗୋଟିଏ ପଟେ ଲକଡାଉନ ଚାଲିଥିବାବେଳେ ନିଶାବେପାରୀଙ୍କ ପାଇଁ ଏହା ‘ସୋନେ ପେ ସୁହାଗା’ ହୋଇଛି । ଲକଡାଉନ ସମୟରେ ରାଜ୍ୟର ବିଭିନ୍ନ ସ୍ଥାନରେ ନିଶା ବେପାରୀମାନେ ସକ୍ରିୟ ହୋଇଉଠିଛନ୍ତି । ତେବେ ରାଜ୍ୟର ରାଜଧାନୀ ଭୁବନେଶ୍ୱରରେ ଲକଡାଉନ ସମୟରେ ପୁଲିସ ସବୁଠି ଉପସ୍ଥିତ ରହୁଥିବାବେଳେ ନିଶା ବେପାରୀଙ୍କୁ କିଛି ଫରକ ପଡ଼ୁନି । ଏହାରି ଭିତରେ ରାଜଧାନୀରୁ ୫ ଲକ୍ଷରୁ ଊଦ୍ଧ୍ୱର୍ ଟଙ୍କାର ବ୍ରାଉନସୁଗାର ଜବତ କରିଛି କମିଶନରେଟ ପୋଲିସ । ଭୁବନେଶ୍ୱରର ଲକ୍ଷ୍ମୀସାଗର ଅଞ୍ଚଳରୁ ବ୍ରାଉନସୁଗାର ଜବତ କରାଯାଇଛି । ଏଥିସହ ୨ ଜଣଙ୍କୁ ଗିରଫ କରିଛି ପୋଲିସ । ଗିରଫ ଅଭିଯୁକ୍ତମାନେ ହେଲେ ଡମ୍ବୁରୁ ଧଳ ବିଶ୍ୱାଳ, ଶେଖ ୟାସିନ । ସେମାନଙ୍କ ନିକଟରୁ ପୋଲିସ ଗୋଟିଏ ବାଇକ ଓ ୨ଟି ମୋବାଇଲ ଜବତ କରିଛି ।
Powered by Froala Editor
