‘ଚିକେନ୍’ରୁ ବାହାରିଲା ଚୁଟିଆମୂଷା
![‘ଚିକେନ୍’ରୁ ବାହାରିଲା ଚୁଟିଆମୂଷା](https://odishanewslens.com/news_gallery/23623_1692207309.jpg)
ମୁମ୍ବାଇର ବାନ୍ଦ୍ରା ଅଞ୍ଚଳରେ ଥିବା ଏକ ଲୋକପ୍ରିୟ ରେସ୍ତୋରାଁ ‘ଚିକେନ୍’ ଥାଳିରୁ ମଲାମୂଷା ବାହାରିଛି। ଅଭିଯୋଗକାରୀ ଅନୁରାଗ ସିଂହ କହିଛନ୍ତି, ଖାଇବା ପାଇଁ ସେ ଜଣେ ବନ୍ଧୁଙ୍କୁ ସଙ୍ଗରେ ନେଇ ବାନ୍ଦ୍ରା ପଶ୍ଚିମାଞ୍ଚଳ ଅନ୍ତର୍ଗତ ପାଲି ହିଲ୍ରେ ଥିବା ଗୋଟାଏ ରେସ୍ତୋରାଁକୁ ଯାଇଥିଲେ। ସେମାନେ ରୁଟି, ଚିକେନ୍ ଓ ମଟନ୍ ଥାଳି ପାଇଁ ଅର୍ଡର୍ ଦେଇଥିଲେ। ଖାଇବା ବେଳେ ଗୋଟାଏ ମଲା ଚୁଟିଆମୂଷା ବାହାରିଥିଲା।
ଅନୁରାଗ ସିଂହ ରେସ୍ତୋରାଁ ମ୍ୟାନେଜର୍ଙ୍କୁ ଏକଥା ପଚାରିବାରୁ ସେ କଥା ଏଡ଼ାଇବା ପରି ଉତ୍ତର ଦେଲେ। ତେଣୁ, ସେ ମ୍ୟାନେଜର୍ ଓ ରୋଷେୟାଙ୍କ ନାଁ’ରେ ବାନ୍ଦ୍ରା ଥାନାରେ ଅଭିଯୋଗ କଲେ।
Powered by Froala Editor