ବହଳଦାରୁ ୪ କଲରାପତରିଆ ବାଘ ଛାଲ ଜବତ
ମୟୁରଭଞ୍ଜ ଜିଲା ଖୁଣ୍ଟା ବ୍ଲକ ତଥା ବାରିପଦା ବନାଞ୍ଚଳର ଡୁକୁରା ବିଟ୍ ଅଧୀନ ବହଳଦା ଗ୍ରାମରେ ବନ ବିଭାଗ ଚଢାଉ କରି ୪ କଲରାପତରିଆ ବାଘ ଛାଲ ଜବତ କରିଛି । ଏହି ମାମଲାରେ ୩ ଜଣ ଅଭିଯୁକ୍ତକୁ ଗିରଫ କରାଯାଇଛି ଓ ସେମାନଙ୍କ ନିକଟରୁ ୩ଟି ମୋବାଇଲ୍ ଫୋନ୍ ଜବତ କରାଯାଇଛି। ବାରିପଦା ଡିଏଫ୍ଓ ଏହା ସ୍ପଷ୍ଟ କରିଛନ୍ତି।
ଶିମିଳିପାଳ ଅଭୟାରଣ୍ୟ ସଂଲଗ୍ନ ବହଳଦା ଗ୍ରାମରୁ ଏକକାଳୀନ ୪ଟି କଲରାପତରିଆ ବାଘଛାଲ ମିଳିବା ଚିନ୍ତାର କାରଣ ହୋଇଥିବା ବେଳେ ତଦନ୍ତ ପାଇଁ ଅଭିଯୁକ୍ତଙ୍କ ବାବଦରେ ବିଭାଗ ଅଧିକ ତଥ୍ୟ ପ୍ରକାଶ କରିନାହିଁ। ବାଘଛାଲ ଗୁଡିକୁ ବାରିପଦା ନିଆଯାଇଛି।
ବାରିପଦା ଡିଏଫଓ କହିଛନ୍ତି ଯେ ବିଶ୍ଵସ୍ତ ସୁତ୍ରରୁ ଖବର ପାଇ ଏହି ଚଢାଉ କରା ଯାଇଥିଲା। ଗିରଫ ବ୍ୟକ୍ତିମାନେ ବହଳଦା ଗାଁର ହୋଇଥିବା ବେଳେ ବନ ବିଭାଗ ଏହି ଘଟଣାରେ ତଦନ୍ତ ଜାରି ରଖିଛି।
Powered by Froala Editor
