ଭୁବନେଶ୍ୱର : ସରିଲା ଯୁକ୍ତ ୩ ପ୍ରଥମ ପର୍ୟ୍ୟାୟ ନାମଲେଖା । ସାମ୍‌ସ ତଥ୍ୟ ଅନୁଯାୟୀ, ପ୍ରଥମ ପର୍ୟ୍ୟାୟରେ ମୋଟ ୯୨ହଜାର ୬୧୦ ଛାତ୍ରଛାତ୍ରୀ ନାମ ଲେଖାଇଛନ୍ତି । ରାଜ୍ୟରେ ଆହୁରି ୧ଲକ୍ଷ ୭୭ହଜାର ୫୫୩ ସିଟ୍‌ ବଳକା ରହିଛି । ଏହି ବଳକା ସିଟ୍‌ ପାଇଁ ଦ୍ୱିତୀୟ ଓ ତୃତୀୟ ପର୍ୟ୍ୟାୟ ନାମଲେଖା ହେବ । ଏଥିପାଇଁ ଦ୍ୱିତୀୟ ମେଧା ତାଲିକା ଆସନ୍ତା ୨୭ ତାରିଖରେ ପ୍ରକାଶ ପାଇବ । ଚଳିତ ବର୍ଷ ୧୦୪୧ କଲେଜରେ ୨ଲକ୍ଷ ୭୦ ହଜାର ୨୪୨ ସିଟ୍‌ରେ ନାମଲେଖା ଚାଲିଛି । ନାମଲେଖା ପାଇଁ ରାଜ୍ୟରେ ୨ଲକ୍ଷ ୨୩ ହଜାର ୩୧୦ ଜଣ ଆବେଦନ କରିଥିଲେ ।

ପ୍ରଥମ ପର୍ୟ୍ୟାୟରେ ୧ଲକ୍ଷ ୭୪ହଜାର ୧୯୫ ଜଣଙ୍କୁ ଚୟନ କରାଯାଇଥିଲା । ଏଥିରୁ ୯୨ ହଜାର ୬୧୦ଜଣ ନାମ ଲେଖାଇଛନ୍ତି । କଳା ବିଭାଗରେ ୧ଲକ୍ଷ ୫୨ ହଜାର ସିଟ୍‌ ପାଇଁ ୧ଲକ୍ଷ ୮ହଜାର ୪୮୩ଜଣଙ୍କୁ ଚୟନ କରାଯାଇଥିବା ବେଳେ ୬୧ ହଜାର ୪୬୯ଜଣ ନାମଲେଖାଇଛନ୍ତି । ସେହିପରି ଫିଜିକାଲ୍‌ ସାଇନ୍ସରେ ୪୫ହଜାର ୯୮୭ ସିଟ୍‌ ଥିବା ବେଳେ ପ୍ରଥମ ପର୍ୟ୍ୟାୟରେ ୨୪ହଜାର ୩୩୯ ଜଣଙ୍କୁ ଚୟନ କରାଯାଇଥିଲା । ୧୦ହଜାର ୪୨୭ଜଣ ନାମଲେଖାଇଛନ୍ତି । ବାୟୋଲୋଜିକାଲ ସାଇନ୍ସ ପାଇଁ ୨୮ହଜାର ସିଟ୍‌ ଥିବାବେଳେ ପ୍ରଥମ ମେରିଟ୍‌ ଲିଷ୍ଟରେ ୧୮ହଜାର ୯୧୯ ଜଣ ଚୟନ ହୋଇଥିଲେ । ମାତ୍ର ୭ହଜାର ୧୫୬ଜଣ ନାମଲେଖାଇଛନ୍ତି । ସେହିପରି ବାଣିଜ୍ୟ ପାଇଁ ୩୫ହଜାର ୨୫୨ ସିଟ୍‌ ଥିବାବେଳେ ୧୭ହଜାର ୨୧୭ଜଣଙ୍କୁ ନାମଲେଖା ପାଇଁ ଚୟନ କରାଯାଇଥିଲା । ଏଥିରୁ ୧୦ହଜାର ୨ଜଣ ନାମ ଲେଖାଇଛନ୍ତି । ଶାସ୍ତ୍ରୀ ନାମଲେଖା ପାଇଁ ୯ହଜାର ୧୪୮ସିଟ୍‌ ଥିବାବେଳେ ୩୮୭୦ଜଣଙ୍କୁ ନାମଲେଖା ପାଇଁ ଚୟନ କରାଯାଇଥିଲା । ଏଥିରୁ ୩୦୫୪ଜଣ ନାମ ଲେଖାଇଛନ୍ତି । ସେଲ୍‌ଫ ଫାଇନାନ୍ସ ନାମଲେଖା ପାଇଁ ୨୦୮୬ ସିଟ୍‌ ଥିବାବେଳେ ୧୩୬୭ଜଣଙ୍କୁ ଚୟନ କରାଯାଇଥିଲା । ମାତ୍ର ୫୦୨ଜଣ ନାମଲେଖାଇଥିବା ବେଳେ ଆହୁରି ୧୫୮୪ ସିଟ୍‌ ବଳକା ରହିଛି ।

Powered by Froala Editor