ଅନ୍ନାଙ୍କ ସହ ମନୋମାଳିନ୍ୟ, ପୱନଙ୍କ ତୃତୀୟ ବିବାହ ବି ଭାଙ୍ଗିବ!
ସାଉଥ୍ ସୁପରଷ୍ଟାର୍ ପୱନ କଲ୍ୟାଣଙ୍କ ବ୍ୟକ୍ତିଗତ ଜୀବନରେ ଅଶାନ୍ତି ଦେଖାଦେଇଛି। ଶୁଣିବାକୁ ମିଳିଛି ଯେ ପବନ କଲ୍ୟାଣଙ୍କ ଦାମ୍ପତ୍ୟ ଜୀବନରେ ଫାଟ ସୃଷ୍ଟି ହୋଇଛି। ପ୍ରଥମ ଦୁଇଟି ବିବାହ ବିଫଳ ହେବା ପରେ ପବନ କଲ୍ୟାଣ ତୃତୀୟ ବିବାହ କରିଥିଲେ। ହେଲେ ଏବେ ତାଙ୍କ ବୈବାହିକ ଜୀବନରେ ସବୁକିଛି ଠିକ୍ ନଥିବା କୁହାଯାଉଛି।
ପୱନ ୨୦୧୩ ମସିହାରେ ଅନ୍ନା ଲେଝନେଭାଙ୍କୁ ବିବାହ କରିଥିଲେ। କିନ୍ତୁ, ବର୍ତ୍ତମାନ କୁହାଯାଉଛି ଯେ ଏହି ଦୁଇଜଣଙ୍କ ମଧ୍ୟରେ ଦୂରତା ଦେଖାଦେଇଛି ଏବଂ ଉଭୟ ନିଜ ଦାମ୍ପତ୍ୟ ଜୀବନ ଶେଷ କରିବାକୁ ନିଷ୍ପତ୍ତି ନେଇଛନ୍ତି। ସେମାନଙ୍କ ଛାଡପତ୍ର ଖବର ପ୍ରଥମେ ଏକ ୟୁଟ୍ୟୁବ ଚ୍ୟାନେଲ ଦ୍ୱାରା ଦିଆଯାଇଥିଲା। ଏହା ପରେ ପବନ କଲ୍ୟାଣଙ୍କ ବିବାହ ଭାଙ୍ଗିବା ଖବର ଗଣମାଧ୍ୟମରେ ଭାଇରାଲ ହେବାରେ ଲାଗିଲା। ଚ୍ୟାନେଲ ଦାବି କରିଥିଲା ଯେ, ଆନ୍ନା ଲେଜ୍ନେଭା ଏବଂ ପବନ କଲ୍ୟାଣଙ୍କ ମଧ୍ୟରେ ଛାଡପତ୍ର ମାମଲା ନାମ୍ପାଲି କୋର୍ଟରେ ଚାଲିଛି। ଏବେ ଆନ୍ନା ପିଲାଙ୍କୁ ନେଇ ରୁଷିଆରେ ରହୁଥିବାରୁ ପବନ ଓ ତାଙ୍କ ମଧ୍ୟରେ ସବୁକିଛି ଠିକ ନଥିବା କୁହାଯାଉଛି।
ପୱନ କଲ୍ୟାଣଙ୍କ ପ୍ରଥମ ବୈବାହିକ ଜୀବନ ୧୧ ବର୍ଷ ପର୍ଯ୍ୟନ୍ତ ତିଷ୍ଠିଥିଲା ବେଳେ ଦ୍ୱିତୀୟ ବିବାହ ମାତ୍ର ତିନି ବର୍ଷ ଧରି ଚାଲିଥିଲା।
Powered by Froala Editor
